സ്പാനിഷ് യുവ ഫുട്ബോളർ ലാമിൻ യമാലിന്‍റ പിതാവിന് കുത്തേറ്റു
സ്പാനിഷ് സൂപ്പര്‍താരം ലാമിന്‍ യമാലിന്‍റെ അച്ഛന് കുത്തേറ്റു. മത്തേരോയിലെ കാര്‍ പാര്‍ക്കിങില്‍ വച്ചാണ് മൗനിര്‍ നസ്രോറിക്ക് കുത്തേറ്റത്. നിരവധി തവണ കുത്തേറ്റ അദ്ദേഹത്തെ ഉടന്‍ തന്നെ സമീപത്തെ ആശുപത്രിയില്‍പ്രവേശിപ്പിക്കുകയായിരുന്നു. ഗുരുതരമാണെങ്കിലും ആരോഗ്യനില തൃപ്തികരമാണെന്ന് പൊലീസ് അറിയിച്ചു.
ബുധനാഴ്ച വളർത്തുനായയുമായി നടക്കാനിറങ്ങിയ മുനിറും പ്രദേശത്തെ ഏതാനും ചിലരുമായി തകർക്കമുണ്ടാകുകയായിരുന്നുവെന്ന് ദൃക്സാക്ഷികൾ പറഞ്ഞു. ഇതിനു ശേഷം മടങ്ങിപ്പോയ ഇവർ തിരികെയെത്തി മുനിറിനെ ആക്രമിക്കുകയായിരുന്നു. സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.
സംഭവത്തിൽ പോലീസ് കേസെടുത്ത് അന്വേഷണം നടത്തുന്നുണ്ട്. ഏതാനും ചിലരെ അറസ്റ്റ് ചെയ്തെന്ന് റിപ്പോർട്ടുകളുണ്ടെങ്കിലും ഔദ്യോഗികമായി സ്ഥിരീകരിച്ചിട്ടില്ല.
