മഹാരാഷ്ട്രയില് കോവിഡ് ആശുപത്രിയില് തീപ്പിടിത്തം; 13 പേര് വെന്തുമരിച്ചു
മുംബൈ: മഹാരാഷ്ട്രയില് കോവിഡ് ആശുപത്രിക്ക് തീപിടിച്ച് 13 രോഗികള് വെന്തുമരിച്ചു. പാല്ഘര് ജില്ലയിലെ വിരാറില് വിജയ് വല്ലഭ് ആശുപത്രിയിലാണ് പുലര്ച്ചെ 3.15 ഓടെ ദാരുണ സംഭവമുണ്ടായത്. വസായിലെ വിജയ് വല്ലഭ് ആശുപത്രിയിലെ കോബിഡ് സെൻ്ററിലെ ഐ.സി.യൂ ബെഡുകൾ പ്രവർത്തിച്ചിരുന്ന രണ്ടാം നിലയിൽ ആണ് തീപിടിത്തം ഉണ്ടായത്.
തീവ്രപരിചരണ വിഭാഗത്തിലെ എയര് കണ്ടീഷണറില് ഉണ്ടായ ഷോര്ട്ട് സര്ക്യൂട്ട് ആണ് തീപിടിത്തത്തിന് ഇടയാക്കിയത് എന്നാണ് പ്രാഥമിക നിഗമനം. കോവിഡ് ചികിത്സയിലായിരുന്നരാണ് മരിച്ചവരെല്ലാം. മരണസംഖ്യ ഇനിയും ഉയര്ന്നേക്കുമെന്നാണ് ലഭിക്കുന്ന വിവരം.
അഗ്നിരക്ഷാ സേന ഉള്പ്പെടെയുള്ള രക്ഷാപ്രവര്ത്തകര് ഇപ്പോഴും രക്ഷാപ്രവര്ത്തനം നടത്തിവരികയാണ്. ആശുപത്രിയിലെ മറ്റ് രോഗികളെ അടുത്തുള്ള ആശുപത്രികളിലേക്ക് മാറ്റി.
