നിയന്ത്രണം വിട്ട ലോറി 6 വാഹനങ്ങളിലേക്ക് ഇടിച്ചുകയറി; മൂന്ന് പേർ മരിച്ചു
തൃശ്ശൂര്: ദേശീയപാതയില് കുതിരാനില് വാഹനാപകടത്തില് മൂന്നു പേര് മരിച്ചു. . ലോറിയും കാറും ഉള്പ്പെടെയുള്ള വാഹനങ്ങളാണ് കൂട്ടിയിടിച്ചത്. ഒരാളുടെ നില അതീവ ഗുരുതരമാണ്. പകടത്തെ തുടര്ന്ന് ദേശീയ പാതയില് ഗതാഗതം സ്തംഭിച്ചു. പുലര്ച്ചെ 6.45നാണ് സംഭവം.
തമിഴ്നാട്ടില് നിന്ന് വന്ന ചരക്ക് ലോറി നിയന്ത്രണം നഷ്ടപ്പെട്ട് മുന്നിലും എതിര്ദിശയിലുമായി വന്ന വാഹനങ്ങളില് ഇടിക്കുകയായിരുന്നു. രണ്ടു കാറുകളിലും ബൈക്കുകളിലുമാണ് ആദ്യം ഇടിച്ചത്. തുടര്ന്ന് ഈ വാഹനങ്ങള് നിയന്ത്രണം വിട്ട് മുന്നിലുണ്ടായിരുന്ന മറ്റ് വാഹനങ്ങളിലും ഇടിക്കുകയായിരുന്നു.
പരിക്കേറ്റ എല്ലാവരെയും ആശുപത്രിയിലേക്ക് മാറ്റി. സ്കൂട്ടറിലുണ്ടായിരുന്ന രണ്ടു പേരും കാറിലുണ്ടായിരുന്ന ഒരാളും ഉൾപ്പെടെ മൂന്ന് പേരാണ് മരിച്ചത്. പരിക്കേറ്റ മൂന്ന് പേർ ആശുപത്രിയിലാണ്. ബ്രേക്ക് പൊട്ടിയതിനെ തുടര്ന്നാണ് ലോറിയുടെ നിയന്ത്രണം നഷ്ടമായത്. അപകടത്തെത്തുടര്ന്ന് തൃശൂർ – പാലക്കാട് ദേശീയപാതയില് ഗതാഗതം പൂർണമായും തടസപ്പെട്ടു. കുതിരാനിൽ ഇരുവശത്തുമായി കിലോ മീറ്ററുകളോളം വാഹനങ്ങള് കുടുങ്ങിക്കിടക്കുകയാണ്.
