കൊലാലംപൂര്‍ : മലേഷ്യ എയര്‍ലൈന്‍സ്‌ സിംഗപ്പൂരില്‍ നിന്ന് കൊച്ചിയിലേക്കുള്ള പുതുക്കിയ നിരക്കുകള്‍ പ്രഖ്യാപിച്ചു.ഓഫര്‍ പ്രകാരം ഡിസംബര്‍ 2 വരെ ബുക്ക് ചെയ്യുന്നവര്‍ക്ക് 290 ഡോളറിനു റിട്ടേണ്‍ ടിക്കറ്റുകള്‍ ലഭിക്കും.നവംബര്‍ 23 മുതല്‍ അടുത്ത വര്‍ഷം ജൂണ്‍ വരെ ഈ ടിക്കറ്റുകള്‍ ഉപയോഗിച്ച് യാത്ര ചെയ്യാം.ചൈനീസ്‌ ന്യൂ ഇയര്‍ , ഈസ്റ്റര്‍ , വിഷു ,സ്കൂള്‍ അവധിക്കാലം എന്നീ സമയങ്ങളില്‍ ചുരുങ്ങിയ ചിലവില്‍ യാത്ര ചെയ്യുവാന്‍ ഈ ഓഫര്‍ ഉപകരിക്കും.ഇന്നുമുതലാണ്‌ പുതിയ ഓഫറുകള്‍ മലേഷ്യ എയര്‍ലൈന്‍സ്‌ പ്രഖ്യാപിച്ചത്.ശബരിമല സീസണും , സ്കൂള്‍ അവധിക്കാലവും ഒരുമിച്ചു വന്നതില്‍ ഈ ആഴ്ചയിലെ ടിക്കറ്റുകള്‍ ഏതാണ്ട് പൂര്‍ണ്ണമായും വിറ്റുതീര്‍ന്നു.ഡിസംബര്‍ മാസത്തിലും തിരക്ക് വര്‍ദ്ധിച്ചതിനാല്‍ ഓഫറുകള്‍ ലഭ്യമാകുവാന്‍ സാദ്ധ്യത കുറവാണ്.എന്നാല്‍ ജനുവരി മുതല്‍ 282 ഡോളറിനുള്ള റിട്ടേണ്‍ ടിക്കറ്റുകള്‍ ലഭ്യമാണ്.
