ഫുട്ബോള്‍ താരം ലയണല്‍ മെസിയുടെ വിവാഹവാര്‍ത്തകളാണ് കായിക ലോകത്തെ ഇപ്പോഴത്തെ ചൂടുള്ള വാര്‍ത്ത. വെള്ളിയാഴ്ചയാണ് മെസ്സിയുടെയും പ്രണയിനി അന്റോണെല്ലാ റൊക്കൂസോയുടെയും വിവാഹം. മെസിയുടെ നാടായ റൊസാരിയോയിലാണ് വിവാഹം നടക്കുന്നത്.
എന്നാല്‍ മെസ്സിയുടെ വിവാഹവിശേഷങ്ങള്‍ക്ക് ഒപ്പം തന്നെ സൂപ്പര്‍ ഹിറ്റ്‌ ആകുകയാണ് അന്നത്തെ മെനു കാര്‍ഡു൦. ഭക്ഷണമെന്തൊക്കെയെന്ന് അറിയിച്ച് മെനു കാര്‍ഡ് നേരത്തെ തന്നെ പുറത്തു വന്നു കഴിഞ്ഞു. അര്‍ജന്റൈന്‍ വിഭവങ്ങള്‍ക്കൊപ്പം സ്പാനിഷ് മസാലയും വിരുന്നിന് രുചിക്കൂട്ടൊരുക്കും. എല്ലാത്തിനെയും കുറിച്ചുള്ള വിവരങ്ങള്‍ കാര്‍ഡില്‍ ഉണ്ട്.
5 വയസുമുതല്‍ പരിചിതരാണ് മെസിയും കൂട്ടുകാരി അന്റോണെല്ലാ റൊക്കൂസോയും. 2012ല്‍ ഇരുവര്‍ക്കും ആദ്യ കുഞ്ഞ് പിറന്നു തിയാഗോ. 2015ല്‍ തിയാഗോയ്ക്ക് ഒരനുജനും. ലോകം കാത്തിരിക്കുന്ന വിവാഹത്തില്‍ പങ്കെടുക്കാന്‍ 250 വിഐപി അതിഥികളാണെത്തുന്നത്. നെയ്മര്‍, സുവാരസ്, സെര്‍ജിയോ ബുസ്‌കെറ്റ്‌സ്, സാവി തുടങ്ങി ബാര്‍സയുടെ മിന്നും താരങ്ങളെല്ലാമുണ്ടാകും എന്നും അറിയുന്നു.
