ആഡംബരജീവിതത്തിന്റെ സുഖമറിയാന്‍ സ്റ്റാര്‍ ഹോട്ടലില്‍ താമസിച്ച ശേഷം ബില്‍ കൊടുക്കാന്‍ നിവര്‍ത്തിയില്ലാതെ യുവാവ് കാണിച്ച സാഹസമാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. ചൈനയിലാണ് സംഭവം.
കൈയില്‍ കാശില്ലായെന്ന് ബോധമുണ്ടായിട്ടും ഒന്നും നോക്കാതെ മുറിയെടുത്ത് താമസിക്കുകയായിരുന്നു ഇയാള്‍. ഒടുവില്‍ ബില്ലടക്കാതെ അതിസാഹസികമായി രക്ഷപ്പെടാന്‍ ശ്രമിക്കുകയായിരുന്നു യുവാവ്. ഹോട്ടലിന്റെ 19ാം നിലയില്‍ നിന്ന് ആരും അറിയാതെ രക്ഷപ്പെടുകയായിരുന്നു.
പക്ഷെ ഇയാളുടെ ശ്രമം പാളിപ്പോകുകയായിരുന്നു ഉണ്ടായത്. ഹോട്ടലില്‍ നിന്ന് പുറത്തേക്ക് പോകുന്ന ടെലഫോണ്‍ കമ്പിയില്‍ തൂങ്ങിയായിരുന്നു യുവാവിന്റെ രക്ഷപ്പെടല്‍. എന്നാല്‍ അതിനിടയില്‍ ഹോട്ടല്‍ ഉടമകള്‍ ഇയാള്‍ രക്ഷപ്പെടുകയാണെന്നു മനസിലാക്കി പൊലീസിനെ വിളിക്കുകയായിരുന്നു. തുടര്‍ന്ന് യുവാവിനെ താഴേക്കിറക്കി അറസ്റ്റ് ചെയ്യുകയും ചെയ്തു. ഇപ്പോള്‍ വീഡിയോ സോഷ്യല്‍ മീഡിയയില്‍ വൈറലായികൊണ്ടിരിക്കുകയാണ്.
