72കാരനായി വിസ്മയിപ്പിച്ച് ബിജു മേനോന്; 'ആര്ക്കറിയാം' ട്രെയ്ലര്
ബിജു മേനോന്, പാര്വതി തിരുവോത്ത്, ഷറഫുദ്ധീന് എന്നിവര് പ്രധാന കഥാപാത്രങ്ങള് ആയി എത്തുന്ന 'ആര്ക്കറിയാം' എന്ന ചിത്രത്തിന്റെ ട്രെയ്ലര് പുറത്തിറങ്ങി. സർവീസിൽ നിന്നു വിരമിച്ച ഗണിത അധ്യാപകന്റെ വേഷമാണ് ചിത്രത്തിൽ ബിജു മേനോൻ അവതരിപ്പിക്കുന്നത്.
സനു ജോൺ വർഗീസ് സംവിധാനം ചെയ്യുന്ന ചിത്രത്തിന്റെ തിരക്കഥ നിർവഹിച്ചിരിക്കുന്നത് രാജീവ് രവി , അരുൺ ജനാർദ്ദനൻ, സനു ജോൺ വർഗീസ് എന്നിവർ ചേർന്നാണ്. ജി.ശ്രീനിവാസ് റെഡ്ഡിയാണ് ഛായാഗ്രഹണം. എഡിറ്റിംഗ് മഹേഷ് നാരായണൻ. സഞ്ജയ് ദിവേച്ഛയുടെതാണ് പശ്ചാത്തല സംഗീതം.
മുഖത്ത് ചുളിവുകള് വീണ, മുടിയും മീശയും നരച്ച ഒരു 72 വയസുകാരനാണ് ചിത്രത്തില് ബിജുവിന്റെ കഥാപാത്രം. കൊവിഡ് കാലം പശ്ചാത്തലമാക്കുന്ന സിനിമയാണ് ഇത്. ൺഷോട്ട് എന്റര്ടെയ്ന്മെന്റ്സിന്റെയും ഒപിഎം ഡ്രീംമിൽ സിനിമാസിന്റെയും ബാനറുകളില് സന്തോഷ് ടി കുരുവിളയും ആഷിഖ് അബുവും ചേർന്നാണ് ചിത്രത്തിന്റെ നിര്മ്മാണം.
രതീഷ് ബാലകൃഷ്ണൻ പൊതുവാൾ പ്രൊഡക്ഷൻ ഡിസൈനറാകുന്ന ആർക്കറിയാമിന്റെ ആർട് ഡയറക്ട്ർ ജ്യോതിഷ് ശങ്കറാണ്. സമീറ സനീഷ് ആണ് വസ്ത്രാലങ്കാരം. അരുൺ സി തമ്പിയും സന്ദീപ രക്ഷിതും എക്സിക്യൂട്ടീവ് പ്രൊഡ്യൂസഴ്സ് ആയ ചിത്രത്തിന്റെ ചീഫ് അസ്സോസിയേറ്റ് ഡയറക്ടർ വാവയാണ്
