ദമ്പതിമാര് സഞ്ചരിച്ച ബൈക്കില് ടിപ്പര് ലോറിയിടിച്ച് യുവാവിന് ദാരുണാന്ത്യം
കൊട്ടാരക്കര: ദമ്പതിമാര് സഞ്ചരിച്ച ബൈക്കില് പാറയുമായി വന്ന ടിപ്പര് ലോറിയിടിച്ച് യുവാവിന് ദാരുണാന്ത്യം. വെട്ടിക്കവല കോക്കാട് ജയഭവനില് മനോജ് (44) ആണ് മരിച്ചത്. ഭാര്യ ജയ മനോജിനെ (40) ഗുരുതര പരിക്കുകളോടെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
വെട്ടിക്കവല-വാളകം റോഡില് ചിരട്ടക്കോണത്ത് വെച്ചാണ് ഇന്നലെ അപകടം നടന്നത്. തലച്ചിറ ഭാഗത്തുനിന്നെത്തി പനവേലി ഭാഗത്തേക്കു തിരിയുകയായിരുന്നു ബൈക്ക്. വെട്ടിക്കവലയില്നിന്ന് വാളകത്തേക്കുപോയ ടിപ്പര് ലോറിയാണ് ഇടിച്ചത്. ലോറിക്കടിയില്പ്പെട്ട ഇരുവരെയും നിരക്കി ഇരുപത് മീറ്ററോളം ഓടിയാണ് വണ്ടി നിന്നത്. നാട്ടുകാരും പോലീസും ചേര്ന്ന് സാഹസപ്പെട്ടാണ് ഇരുവരെയും പുറത്തെടുത്തത്.
ആശുപത്രിയിലേക്കുള്ള യാത്രാമധ്യേ മനോജ് മരിച്ചു. കിളിമാനൂരില് വഴിയോരക്കട ഹോട്ടലിലെ ജീവനക്കാരനായിരുന്നു മനോജ്. അഭിജിത്ത്, നിജ എന്നിവരാണ് മക്കള്.
