നടൻ ഖാദർ ഖാൻ അന്തരിച്ചു

മുംബൈ: ബോളിവുഡ് നടനും സംവിധായകനും തിരക്കഥാകൃത്തുമായ ഖാദർ ഖാൻ (81)അന്തരിച്ചു. കാനഡയിലെ ടൊറന്‍റോയിലെ ആശുപത്രിയിരുന്നു അന്ത്യം. ഏറെ  കാലമായി  രോഗബാധിതനായി കഴിയുകയായിരുന്നു ഇദ്ദേഹം.  കഴിഞ്ഞ ദിവസം ഖാദർ ഖാൻ അന്തരിച്ചതായി വാർത്തകൾ പ്രചരിച്ചിരുന്നു. എന്നാൽ ഇക്കാര്യം പിന്നീട് അദ്ദേഹത്തിന്‍റെ കുടുംബം നിഷേധിച്ചിരുന്നു. സംസ്കാരം ടൊറന്‍റോയിൽ നടക്കുമെന്നും കുടുംബം അറിയിച്ചു. വില്ലനായും കൊമേഡിയനായും നിരവധി ചിത്രങ്ങളിൽ അദ്ദേഹം അഭിനയിച്ചു. 300ലേറെ സിനിമകളിൽ അഭിനയിച്ച ഖാദർ ഖാൻ 250 ലേറെ ചിത്രങ്ങൾക്ക് സംഭാഷണവും നിർവഹിച്ചിട്ടുണ്ട്.  ഭാര്യ ഹാജ്‌റ മകൻ സർഫ്രാസ്.