ഇവളാണ് എന്റെ കരുത്ത്: മകളെ പരിചയപ്പെടുത്തി ഷക്കീല
ഒരു കാലത്ത് ഏറ്റവും കൂടുതൽ ആരാധക ശ്രദ്ധ പിടിച്ചു പറ്റിയ താരമാണ് ഷക്കീല. സിനിമകൊണ്ട് മാത്രമല്ല ജീവിതം കൊണ്ട് ആരാധകരെ പലപ്പോഴും അമ്പരിപ്പിച്ചിട്ടുള്ള താരവുമാണ് ഷക്കീല. ഇപ്പോഴിതാ തന്റെ മകളെ പരിചയപ്പെടുത്തിയിരിക്കുകയാണ് നടി.
തന്റെ ജീവിതത്തിലെ ഏറ്റവും വലിയ കരുത്ത് ഇവളാണെന്ന് ചൂണ്ടിക്കാട്ടിയാണ് മകളെ താരം പരിചയപ്പെടുത്തിയിരിക്കുന്നത്. ഒരു ചാനല് അഭിമുഖത്തിലാണ് തന്റെ വളര്ത്തുപുത്രിയെ കുറിച്ച് താരം തുറന്ന് പറഞ്ഞത്.
സിനിമാ ജീവിതത്തിൽ നിന്നും വിട്ടൊഴിഞ്ഞ് ചെന്നൈയിൽ താമസിക്കുകയാണ് ഇപ്പോൾ ഷക്കീല. ട്രാന്സ്ജെന്ഡറായ മില്ലയൈ ഷക്കീല ദത്തെടുക്കുകയായിരുന്നു. പിന്നീട് സ്വയം മകളായി വളര്ത്തി. ഇന്ന് മില്ല ഒരു ഫാഷന് ഡീസൈനര് കൂടിയാണ്. ജീവിതത്തിലെ ഏറ്റവും ദുര്ഘടമായ നിമിഷങ്ങളില് മില്ലയായിരുന്നു തനിക്ക് ജീവിക്കാനുള്ള കരുത്ത് നല്കിയതെന്നും ഷക്കീല വ്യക്തമാക്കി.
ഷക്കീലയുടെ ജീവിതം ആസ്പദമാക്കി ബോളിവുഡിൽ നിന്നും സിനിമയും റിലീസ് ചെയ്യുകയുണ്ടായി. ഇന്ദ്രജിത് ലങ്കേഷ് സംവിധാനം ചെയ്ത ചിത്രത്തിൽ റിച്ച ഛദ്ദയാണ് ഷക്കീലയായി വേഷമിട്ടത്.
