'നിന്നെക്കാണാൻ ഞങ്ങൾക്കിനിയും കാത്തിരിക്കാൻ വയ്യ...'; അമ്മയാവാൻ പോകുന്നു വിവരം ആരാധകരെ അറിയിച്ച് ആമി ജാക്സൺ
ബ്രിട്ടണിലെ മാതൃദിനമായ മാര്ച്ച് 31 താൻ ഒരു അമ്മയാകൻ പോകുന്നു എന്ന സന്തോഷ വാർത്ത ആരാധകരുമായി പങ്കു വെച്ചിരിക്കയാണ് ആമി ജാക്സൺ. തന്റെ കാമുകനായ ജോര്ജ് പനായോറ്റുവുമൊപ്പമുള്ള ചിത്രവും നടി ഇന്സ്റ്റഗ്രാമിൽ പോസ്റ്റ് ചെയ്തു. ജോര്ജുമായുള്ള വിവാഹ നിശ്ചയം കഴിഞ്ഞ് മൂന്നു മാസം പിന്നിടുമ്പോഴാണ് താന് അമ്മയാകുന്നു എന്ന വാര്ത്ത എമി പങ്കുവെയ്ക്കുന്നത്.
‘ഇക്കാര്യം ഉയരങ്ങളില് കയറി നിന്ന് ലോകത്തോട് വിളിച്ചു പറയാന് കൊതിയോടെ കാത്തിരിക്കുകയായിരുന്നു ഞാന്. ഇന്ന് മാതൃദിനം, ഇതിനേക്കാള് നല്ല സുദിനം മറ്റൊന്നില്ല. ലോകത്ത് മറ്റെന്തിനേക്കാളും ഏറെ ഞാന് നിന്നെ സ്നേഹിക്കുന്നു. നിന്നെ കാണാന് ഞങ്ങള്ക്കിനിയും കാത്തിരിക്കാന് വയ്യ കുഞ്ഞു ലിബ്രാ.’ എമി ഇന്സ്റ്റാഗ്രാമില് കുറിച്ചു.
എമിയും ജോര്ജും 2015 മുതല് പ്രണയത്തിലാണ്. ബ്രിട്ടീഷ് റിയല് എസ്റ്റേറ്റ് വമ്പന് അന്ഡ്രിയാസ് പനയോറ്റുവിന്റെ മകനാണ് ജോര്ജ് പനയോറ്റു.മദ്രാസ് പട്ടണം എന്ന ചിത്രത്തിലൂടെ തെന്നിന്ത്യന് പ്രേക്ഷകര്ക്ക് സുപരിചിതയായ നടിയാണ് ബ്രിട്ടീഷ് വംശജയായ ആമി ജാക്സണ്.
