702 പേര്ക്ക് കൂടി കോവിഡ്, 483 പേര്ക്ക് സമ്പര്ക്കത്തിലൂടെ രോഗം
തിരുവനന്തപുരം: ഇന്ന് സംസ്ഥാനത്ത് 702 പേര്ക്ക് കോവിഡ് 19 സ്ഥിരീകരിച്ചു. 483 പേര്ക്ക് സമ്പര്ക്കത്തിലൂടെ രോഗബാധയുണ്ടായി. രോഗികളേക്കാൾ കൂടുതൽ രോഗമുക്തി നേടിയവർ ഉള്ള ദിവസമാണിന്ന്. 745 പേർക്ക് രോഗമുക്തിയുണ്ടായി.
ഇതുവരെ രോഗം സ്ഥിരീകരിച്ചവടെ എണ്ണം 19727 ആണ്. ഇതുവരെ രോഗമുക്തി നേടിയത് 10054 പേരാണ്. ഉറവിടമറിയാത്തത് 35 കേസുകളാണ്. വിദേശത്തുനിന്നെത്തിയ 75 പേരും മറ്റു സംസ്ഥാനങ്ങളില്നിന്ന് 91 പേരും രോഗബാധിതരായി. ഹെല്ത്ത് വര്ക്കര്മാര് 43. കോവിഡ് മൂലം ഇന്ന് രണ്ട് മരണമാണ് റിപ്പോര്ട്ട് ചെയ്യപ്പെട്ടത്. കോഴിക്കോട് സ്വദേശി മുഹമ്മദ് (61), കോട്ടയം സ്വദേശി ഔസേപ്പ് ജോര്ജ് (85) എന്നിവരാണ് മരിച്ചത്.
ജില്ല തിരിച്ചുള്ള കണക്ക് തിരുവനന്തപുരം 161, മലപ്പുറം 86, ഇടുക്കി 70, കോഴിക്കോട് 68, കോട്ടയം 59 . പാലക്കാട് 41, തൃശ്ശൂര് 40, കണ്ണൂര് 38, കാസര്കോട് 38, ആലപ്പുഴ 30 . കൊല്ലം 22, പത്തനംതിട്ട 17, വയനാട് 17, എറണാകുളം 15 . രോഗമുക്തരായവരുടെ ജില്ല തിരിച്ചുള്ള കണക്ക്- തിരുവനന്തപുരം 65, കൊല്ലം 57, പത്തനംതിട്ട 49, ആലപ്പുഴ 150, കോട്ടം 13, ഇടുക്കി 25, എറണാകുളം 69, തൃശ്ശൂര് 45, പാലക്കാട് 9, മലപ്പുറം 88, കോഴിക്കോട് 41, വയനാട് 49, കണ്ണൂര് 32, കാസര്കോട് 53.
കഴിഞ്ഞ 24 മണിക്കൂറില് 18417 സാമ്പിൾ പരിശോധിച്ചു. 155148 പേരാണ് നിരീക്ഷണത്തിൽ 9397 പേര് ആശുപത്രിയിൽ ഉണ്ട്. ഇന്ന് 1237 പേരെ ആശുപത്രിയിൽ പ്രവേശിപ്പിച്ചു. 9611 പേര് ചികിത്സയിൽ. 354480 സാമ്പിളുകള് പരിശോധനയ്ക്ക് അയച്ചു. 495 ഹോട്ട്സ്പോര്ട്ടുകളാണ് ഉള്ളത്.
മാസ്ക് ധരിക്കാത്ത 4975 സംഭവങ്ങള് സംസ്ഥാനത്ത് ഇന്ന് റിപ്പോര്ട്ട് ചെയ്തിട്ടുണ്ട്. ക്വാറന്റീന് ലംഘിച്ച അഞ്ചുപേര്ക്കെതിരെ കേസ് രജിസ്റ്റര് ചെയ്തതായും മുഖ്യമന്ത്രി പറഞ്ഞു.
