24 മണിക്കൂറിനിടെ 78,357 പുതിയ രോഗികള്: മരണം 1045
ന്യൂഡല്ഹി: രാജ്യത്തെ കോവിഡ് ബാധിതരുടെ എണ്ണം മുപ്പത്തേഴര ലക്ഷം കടന്നു. കഴിഞ്ഞ 24 മണിക്കൂറിനിടെ ഇന്ത്യയിൽ പുതിയതായി 78,357 കോവിഡ് കേസുകൾക്കൂടി റിപ്പോർട്ട് ചെയ്തു. ഒരുദിവസം ഏറ്റവുമധികം കേസുകൾ റിപ്പോർട്ട് ചെയ്യുന്നത് ഇന്നലെയാണ്. ഇതോടെ ആകെ രോഗബാധിതരുടെ എണ്ണം 37,69,524 ആയി. ഇതിൽ 8,01,282 പേരാണ് നിലവിൽ രോഗബാധിതർ. അതില് 29,019,09 പേര് രോഗമുക്തി നേടി ആകെ 66,333 പേർ മരിച്ചു. കഴിഞ്ഞ 24 മണിക്കൂറിനിടെ 1045 പേര്ക്കാണ് കോവിഡ് മൂലം ജീവന് നഷ്ടമായതെന്നും കേന്ദ്ര ആരോഗ്യ മന്ത്രാലയം അറിയിച്ചു.
സെപ്റ്റംബർ ഒന്നുവരെ ആകെ 4,43,37,201 സാംപിളുകൾ പരിശോധിച്ചെന്നും ഇതിൽ ഇന്നലെ മാത്രം 10,12,367 സാംപിളുകൾ പരിശോധിച്ചെന്നും ഐസിഎംആർ അറിയിച്ചു. രാജ്യത്ത് നിലവില് ഏറ്റവും കൂടുതല് കോവിഡ് രോഗികളുള്ള സംസ്ഥാനം മഹാരാഷ്ട്രയാണ്. എട്ടുലക്ഷത്തില് അധികം പേര്ക്കാണ് മഹാരാഷ്ട്രയില് ഇതിനോടകം രോഗം സ്ഥിരീകരിച്ചിട്ടുള്ളത്. ആന്ധ്രാപ്രദേശും തമിഴ്നാടുമാണ് കോവിഡ് ബാധിതരുടെ എണ്ണത്തില് തൊട്ടുപിന്നില്. ആന്ധ്രപ്രദേശില് രോഗികളുടെ എണ്ണം നാലരലക്ഷത്തോട് അടുക്കുകയാണ്.
