കോവിഡ്: കോഴിക്കോട്ട് ഞായറാഴ്ചകളില് കടുത്ത നിയന്ത്രണങ്ങള്, കടകള് 7 മണിവരെ
കോഴിക്കോട്: കോവിഡ് വ്യാപനത്തിന്റെ പശ്ചാത്തലത്തില് കോഴിക്കോട് ജില്ലയില് കടുത്ത നിയന്ത്രണങ്ങള് ഏര്പ്പെടുത്തി ജില്ലാ കളക്ടറുടെ ഉത്തരവ്. ഞായറാഴ്ചകളില് ലോക്ക്ഡൗണിന് സമാനമായ നിയന്ത്രണങ്ങളാണ് നിലവില് വന്നിരിക്കുന്നത്. നിയന്ത്രണങ്ങള് 18/04/2021 മുതല് പ്രാബല്യത്തില് വരും.
- പൊതുജനങ്ങള് വളരെ അത്യാവശ്യകാര്യങ്ങള്ക്കല്ലാതെ പുറത്തിറങ്ങാന് പാടുള്ളതല്ല.
- ഞായറാഴ്ചകളില് കൂടിചേരലുകള് 5 പേരില് മാത്രം ചുരുക്കേണ്ടതാണ്.
- അവശ്യവസ്തുക്കളുടെ സേവനങ്ങളുടെ കടകളും സ്ഥാപനങ്ങളും മാത്രം വൈകിട്ട് 7.00 മണിവരെ പ്രവര്ത്തിക്കാവുന്നതാണ്.
- ആരോഗ്യമേഖലയുമായി ബന്ധപ്പെട്ട എല്ലാ സ്ഥാപനങ്ങളും സാധരണനിലയില് പ്രവര്ത്തിക്കാവുന്നതാണ്.
- മേല്പ്പറഞ്ഞ സ്ഥാപനങ്ങള് ഒഴികെയുള്ള എല്ലാവിധ സ്ഥാപനങ്ങളും പൊതു പ്രദേശങ്ങളും (ബീച്ച്,പാര്ക്ക്, ടൂറിസം പ്രദേശങ്ങള് ഉള്പ്പെടെ) തുറന്ന് പ്രവര്ത്തിക്കാന് പാടുള്ളതല്ല.
- പൊതുഗതാഗത സംവിധാനം സാധാരണനിലയില് പ്രവര്ത്തിക്കുന്നതാണ്.
നിയന്ത്രണങ്ങള് ലംഘിക്കുകയാണെങ്കില് കടുത്ത ശിക്ഷാനടപടികള് നേരിടേണ്ടി വരുമെന്ന് ജില്ലാ കളക്ടര് സാംബശിവ റാവു അറിയിച്ചു.
