അമ്പെയ്ത്ത് ലോകകപ്പിൽ ട്രിപ്പിൾ സ്വർണവുമായി ദീപികാ കുമാരി, ലോക റാങ്കിംഗിൽ ഒന്നാമത്
അമ്പെയ്ത്ത് ലോകകപ്പ് സ്റ്റേജ് ത്രിയിൽ ട്രിപ്പിൾ സ്വർണം നേടി ഇന്ത്യൻ താരം ദീപികകുമാരി. നേട്ടത്തോടെ ലോക റാങ്കിങിൽ ഒന്നാമതെത്താനും താരത്തിനായി. വനിതാ സിംഗിൾസ് റീക്കർവ് വിഭാഗത്തിലാണ് ദീപിക ലോകറാങ്കിങ്ങിൽ ഒന്നാമതെത്തിയത്.
വനിതാ സിംഗിൾസ്, വനിതാ ടീം, മിക്സഡ് ടീം റീക്കർവ് വിഭാഗങ്ങളിലാണ് ഇരുപത്തിയേഴുകാരിയായ ദീപിക സ്വർണം നേടിയത്. ഇതിന് മുൻപ് 2012ൽ ദീപിക റാങ്കിങിൽ ഒന്നാമതെത്തിയിരുന്നു. 2021-ൽ രണ്ടാം തവണയാണ് ലോകകപ്പിൽ വ്യക്തിഗത വിഭാഗത്തിൽ ദീപിക സ്വർണം നേടുന്നത്. ടോക്കിയോ ഒളിമ്പിക്സിന് യോഗ്യത നേടിയ ഇന്ത്യൻ അമ്പെയ്ത്ത് ടീമിലെ ഏക വനിതാ താരമാണ് ദീപികാ കുമാരി.
