ശൈലജ ടീച്ചറെ പ്രൊഫൈല് ചിത്രമാക്കി ഫഹദ് ഫാസിൽ
അന്താരാഷ്ട്ര ഫാഷന് മാഗസിനായ വോഗിന്റെ കവര് പേജില് ഇത്തവണ ആരോഗ്യമന്ത്രി കെ.കെ. ശൈലജയാണ്. വുമണ് ഓഫ് ദ ഇയര് 2020 എന്ന ക്യാപ്ഷനോടെയാണ് ശൈലജയുടെ ഫോട്ടോ മാഗസിൻ പ്രസിദ്ധീകരിച്ചത്. ഇതിന് പിന്നാലെ മന്ത്രിയുടെ ചിത്രം തന്റെ ഫേസ്ബുക്ക് പ്രൊഫൈലാക്കിയിരിക്കുകയാണ് നടൻ ഫഹദ് ഫാസിൽ.
സമൂഹ മാധ്യമങ്ങളിൽ ഇത്ര സജീവമല്ലാത്ത ഫഹദ് തന്റെ രാഷ്ട്രീയമോ, വ്യക്തിഗത താൽപര്യങ്ങളോ സമൂഹമാധ്യമങ്ങളിലൂടെ അധികം പങ്കുവെക്കാറില്ലാത്തതുകൊണ്ടുതന്നെ താരത്തിന്റെ പ്രൊഫൈൽ ആരാധകർക്കിടയിൽ ചർച്ചാവിഷയം. ഫഹദിന്റെ പ്രൊഫെെൽ ചിത്രം കണ്ട് ആശ്ചര്യപ്പെട്ടിരിക്കുകയാണ് ആരാധകർ.
https://www.facebook.com/FahadhFaasil/posts/3819226451423911:0
താരത്തെ അനുകൂലിച്ചും പ്രതികൂലിച്ചും നിരവധി പേരാണ് രംഗത്തെത്തുന്നത്. വോഗിന്റെ ഇന്ത്യൻ പതിപ്പിന്റെ നവംബർ എഡിഷനിലാണ് ശെെലജ ടീച്ചർ പ്രത്യക്ഷപ്പെട്ടിരിക്കുന്നത്.
