സംസ്ഥാനത്ത് അഞ്ചു പേര്ക്ക് കൂടി സിക്ക വൈറസ് സ്ഥിരീകരിച്ചു; ആകെ രോഗികള് 35
തിരുവനന്തപുരം: സംസ്ഥാനത്ത് അഞ്ചു പേര്ക്ക് കൂടി സിക്ക വൈറസ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. തിരുവനന്തപുരം പാല്ക്കുളങ്ങര സ്വദേശി (37), പെരുന്താന്നി സ്വദേശിനി (61), ബാലരാമപുരം സ്വദേശിനി (27), നെടുങ്കാട് സ്വദേശി (7), എറണാകുളം വാഴക്കുളം സ്വദേശി(7), എറണാകുളം വാഴക്കുളം സ്വദേശിനി (34) എന്നിവര്ക്കാണ് സിക്ക വൈറസ് സ്ഥിരീകരിച്ചത്.എറണാകുളം സ്വദേശിനി തിരുവനന്തപുരത്തെ ആരോഗ്യ പ്രവര്ത്തകയാണ്.
തിരുവനന്തപുരം മെഡിക്കല് കോളേജിലെ വൈറോളജി ലാബ്, ആലപ്പുഴ എന്.ഐ.വി., കോയമ്പത്തൂര് മൈക്രോബയോളജി ലാബ് എന്നിവിടങ്ങളില് നടത്തിയ പരിശോധനയിലാണ് സിക്ക വൈറസ് സ്ഥിരീകരിച്ചത്. ഇതോടെ സംസ്ഥാനത്ത് ആകെ 35 പേര്ക്കാണ് സിക്ക വൈറസ് സ്ഥിരീകരിച്ചത്. 11 പേരാണ് നിലവില് രോഗികളായുള്ളത്. ബാക്കിയുള്ളവര് നെഗറ്റീവായി.
