ഗൂഗിള്‍ ബ്രാന്‍ഡ് സ്മാര്‍ട്ട്‌ഫോണുകള്‍ ഇന്ത്യയിലേക്ക് വരുന്നു
സെര്‍ച്ച് എഞ്ചിന്‍ ഭീമന്‍മാരായ ഗൂഗിള്‍ സ്വന്തം ബ്രാന്‍ഡില്‍ പുറത്തിറക്കുന്ന സ്മാര്‍ട്ട്‌ഫോണുകള്‍ അടുത്ത മാസം പുറത്തിറങ്ങിയേക്കും
സെര്‍ച്ച് എഞ്ചിന്‍ ഭീമന്‍മാരായ ഗൂഗിള്‍ സ്വന്തം ബ്രാന്‍ഡില്‍ പുറത്തിറക്കുന്ന സ്മാര്‍ട്ട്‌ഫോണുകള്‍ അടുത്ത മാസം പുറത്തിറങ്ങിയേക്കും. ഇന്ത്യയടക്കമുള്ള സ്മാര്‍ട്ട്‌ഫോണ്‍ വിപണികളില്‍ സ്മാര്‍ട്ട്‌ഫോണുകള്‍ അവതരിപ്പിക്കുമെന്നാണ് റിപ്പോര്‍ട്ട്.
ആന്‍ഡ്രോയിഡ് നഗൗട്ടിലുള്ള രണ്ട് മോഡലുകളാണ് ഗൂഗിള്‍ അവതരിപ്പിക്കുക. അഞ്ച് ഇഞ്ച് ഡിസ്‌പ്ലേയാണ് ഒന്നിന്റേത്. മറ്റൊന്നിന്റേത് 5.5 ഇഞ്ച് സ്‌ക്രീന്‍ സൈസും. 32 ജിബി, 128 ജിബി വാരിയന്റുകളിലാണ് മോഡലുകള്‍ എത്തുക.ലഭ്യമാകുന്ന വിവരങ്ങള്‍ പ്രകാരം നെക്‌സസ് സ്മാര്‍ട്ട്‌ഫോണുകളുടേതിന് സമാനമാണ് ഗൂഗിള്‍ ബ്രാന്‍ഡ് ഫോണുകളുടെ സവിശേഷതകളെന്നും റിപ്പോര്‍ട്ടുണ്ട്. സ്മാര്‍ട്ട്‌ഫോണുകളെ കുറിച്ച് ഔദ്യോഗികമായി പ്രതികരിക്കാന്‍ ഗൂഗിള്‍ ഇതുവരെ തയ്യാറായിട്ടില്ല. ഗൂഗിള്‍ ബ്രാന്‍ഡ് ഫോണുകള്‍ സാംസങ് സ്മാര്‍ട്ട്‌ഫോണ്‍ വില്‍പ്പനയ്ക്ക് തിരിച്ചടിയാകുമെന്ന് ഇന്ത്യയിലെ വിപണി വിദഗ്ധര്‍ വിലയിരുത്തുന്നു.
