കാജൽ അഗർവാൾ ദുൽഖർ സൽമാന്റെ നായികയാകുന്നു. പ്രശസ്ത കോറിയോഗ്രാഫർ ബൃന്ദ മാസ്റ്റർ സംവിധായികയാകുന്ന ചിത്രത്തിലാണ് കാജൽ ദുൽഖറിന്റെ നായികയാകുന്നത്. അഭിനയ പ്രാധാന്യമുളള വേഷങ്ങള്‍ക്കൊപ്പം ഗ്ലാമര്‍ വേഷങ്ങളും ചെയ്തുകൊണ്ടാണ് കാജൽ അഗർവാൾ ആരാധകരുടെ ഹൃദയം കീഴടക്കിയത്. സൂപ്പര്‍ താരങ്ങളുടെയും യുവതാരങ്ങളുടെയുമെല്ലാം നായികയായി കാജല്‍ അഭിനയിച്ചിരുന്നു. തമിഴ്, തെലുങ്ക്, ഹിന്ദി ഭാഷകളിലും താരം അഭിനയിച്ചിട്ടുണ്ട്.
ഫെബ്രുവരി അവസാനം ചിത്രീകരണമാരംഭിക്കുന്ന ഈ തമിഴ് ചിത്രം നിർമ്മിക്കുന്നത് റിലയൻസ് എന്റർടെയ്‌ൻമെന്റാണ്. മംഗലാപുരത്ത് അടുത്തയാഴ്ച തുടങ്ങുന്ന കുറുപ്പിന്റെ അവസാന ഘട്ട ചിത്രീകരണം പൂർത്തിയാക്കിയ ശേഷം ദുൽഖർ ബൃന്ദ മാസ്റ്ററുടെ ചിത്രത്തിൽ ജോയിൻ ചെയ്യും.
ദുല്‍ഖറിനൊപ്പം ആദ്യമായി അഭിനയിക്കാന്‍ ഒരുങ്ങുകയാണെന്ന വിവരം താരം തന്നെയാണ് വെളിപ്പെടുത്തിയത്. തമിഴിലും മലയാളത്തിലുമായിട്ടാകും ഈ ചിത്രം ഒരുങ്ങുക.
എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണം ഇതുവരെയുണ്ടായിട്ടില്ല. നിലവില്‍ ക്വീനിന്റെ തമിഴ് പതിപ്പായ പാരിസ് പാരിസ് എന്ന ചിത്രമാണ് കാജല്‍ അഗര്‍വാളിന്റെതായി റിലീസിങ്ങിനൊരുങ്ങിക്കൊണ്ടിരിക്കുന്നത്. ശങ്കര്‍ സംവിധാനം ചെയ്യുന്ന കമല്‍ഹാസന്‍ ചിത്രം ഇന്ത്യന്‍ 2വിലും നായികയായി കാജല്‍ എത്തുന്നുണ്ട്. ബിഗ് ബഡ്ജറ്റ് ചിത്രത്തിന്റെ ഷൂട്ടിംഗ് പുരോഗമിച്ചുകൊണ്ടിരിക്കുകയാണ്. തെന്നിന്ത്യന്‍ സൂപ്പര്‍ താരത്തിന്റെയും സുപ്പര്‍താരം ദുല്‍ഖര്‍ സല്‍മാന്റയും പുതിയ ചിത്രത്തിനായി കാത്തിരിക്കുകയാണ് ആരാധകര്‍.
