ചരിത്രത്തിലാദ്യമായി പാലാ നഗരസഭ പിടിച്ച് ഇടതുമുന്നണി; കോട്ടയം ജില്ലാ പഞ്ചായത്തും ഇടത് പക്ഷത്തേക്ക്
പാലായിൽ ഭരണം ഉറപ്പിച്ച് എൽഡിഎഫ്. ചരിത്രത്തിലാദ്യമായിട്ടാണ് പാലാ മുൻസിപ്പാലിറ്റിയിൽ ഇടതുമുന്നണി ഭരണം ഉറപ്പിക്കുന്നത്. പാലാ മുൻസിപ്പാലിറ്റിയിലെ 14 വാര്ഡിൽ ഇടതുമുന്നണി സ്ഥാനാര്ത്ഥികൾ ജയിച്ചു . യുഡിഎഫിന് എട്ട് വാര്ഡിൽ മാത്രമാണ് ജയിച്ച് കയറാൻ കഴിഞ്ഞത്.
കോട്ടയം ജില്ലാ പഞ്ചായത്തും ഇടത് പക്ഷത്തേക്ക്. ചാലക്കുടിയിൽ UDF കേവലഭൂരിപക്ഷത്തിലേക്ക് നീങ്ങുന്ന കാഴ്ചയാണ് കാണാൻ സാധിക്കുന്നത്.
ജോസിന്റെ രണ്ടില ചൂടിയാണ് ഇടത് പാല നഗരസഭ പിടിച്ചെടുത്തത്. മുന് ചെയര്മാനും ജോസഫ് വിഭാഗം നേതാവുമായ കുര്യാക്കോസ് പടവന് പാലായില് തോറ്റു. ഇടതുമുന്നണിയുടെ ഭാഗമായതോടെ കോട്ടയം ജില്ല തങ്ങളുടെ ശക്തി കേന്ദ്രമാണെന്ന് തെളിയിക്കേണ്ടത് ജോസ് കെ. മാണി വിഭാഗത്തിന്റെ ആവശ്യമായിരുന്നു. അതിൽ വിജയം കണ്ടു എന്നുവേണം പറയാൻ.
