ചികിത്സയിലായിരുന്ന പ്രവാസി മലയാളി മരിച്ചു
റിയാദ്: രോഗബാധിതനായി റിയാദിലെ ആശുപത്രിയില് ചികിത്സയിലായിരുന്ന മലയാളി മരിച്ചു. മലപ്പുറം വളാഞ്ചേരി വളവന്നൂര് സ്വദേശി കടപ്പാടം ഹനീഫ (62) ആണ് റിയാദിലെ പ്രിന്സ് മുഹമ്മദ് ആശുപത്രിയില് മരിച്ചത്. പിതാവ്: പരേതനായ ഹംസ കടപ്പാടം, മാതാവ്: ഫാത്തിമ, ഭാര്യ: ഷമീറ, മക്കള്: ഹഫ്സത്ത്, റീമ. മരിച്ച ഹനീഫ കുടുംബസമേതം ഒറീസയിലാണ് സ്ഥിരതാമസം.
മരണാനന്തര നടപടിക്രമങ്ങള് പൂര്ത്തീകരിക്കാന് റിയാദ് കെ.എം.സി.സി മലപ്പുറം ജില്ലാ വെല്ഫെയര് വിംഗ് ചെയര്മാന് റഫീഖ് പുല്ലൂര്, ജനറല് കണ്വീനര് ഷറഫ് പുളിക്കല്, ഇസ്ഹാഖ് താനൂര്, യൂനുസ് കൈതക്കോടന്, ഹാഷിം വളാഞ്ചേരി എന്നിവര് രംഗത്തുണ്ട്. മൃതദേഹം റിയാദില് ഖബറടക്കും.
