സംസ്ഥാനത്ത് ജൂൺ 9 വരെ ലോക്ക്ഡൗൺ നീട്ടി
തിരുവനന്തപുരം: സംസ്ഥാനത്ത് ലോക്ഡൗണ് നീട്ടി. ജൂണ് ഒമ്പതു വരെയാണ് നീട്ടിയത്. മേയ് 30 വരെ പ്രഖ്യാപിച്ചിരുന്ന ലോക്ഡൗണ് നാളെ അവസാനിരിക്കുകയായിരുന്നു. ഈ പശ്ചാത്തലത്തിലാണ് പത്തു ദിവസത്തേക്കു കൂടി നീട്ടിയത്. അന്തിമ തീരുമാനം കൊവിഡ് അവലോകനയോഗത്തില് മുഖ്യമന്ത്രി പിണറായി വിജയന് അറിയിക്കും.
എങ്കിലും സംസ്ഥാനത്ത് കൂടുതല് ഇളവുകള് അനുവദിക്കാനാണ് സാധ്യത. ഇളവുകള് സംബന്ധിച്ച തീരുമാനം കോവിഡ് അവലോകന യോഗത്തിനു ശേഷം പ്രഖ്യാപിക്കും. സ്വര്ണക്കടകള്, ടെക്സ്റ്റൈലുകള്, ചെരിപ്പുകടകള്, സ്കൂള് കുട്ടികള്ക്ക് ആവശ്യമായ വസ്തുക്കള് വില്ക്കുന്ന കടകള് എന്നിവ തുറന്നു പ്രവര്ത്തിക്കാനുള്ള അനുമതിനല്കുക.
വ്യവസായ സ്ഥാപനങ്ങള്ക്കും പ്രവര്ത്തന അനുമതി നല്കും. അന്പത് ശതമാനം ജീവനക്കാരെവെച്ച് വ്യവസായ സ്ഥാപനങ്ങള് പ്രവര്ത്തിപ്പിക്കാനുള്ള തീരുമാനമാണ് ഇപ്പോള് കൈക്കൊണ്ടിരിക്കുന്നത്. ഈ വ്യവസായ സ്ഥാനപനങ്ങള്ക്ക് ആവശ്യമായ അസംസ്കൃത വസ്തുക്കള് നല്കുന്ന സ്ഥാപനങ്ങള്ക്കും പ്രവര്ത്തിക്കാവുന്നതാണ്.
സ്പെയര് പാര്ട്ടുകള് വില്ക്കുന്ന കടകള്ക്കും പ്രവര്ത്തിക്കാന് അനുമതി നല്കും. കള്ളുഷാപ്പുകള്ക്ക് ഭാഗികമായി പ്രവര്ത്തിക്കാനുള്ള അനുവാദം നല്കാനും തീരുമാനം എടുത്തിട്ടുണ്ട്.
