അടുക്കളകൾ കത്തുന്നു: പാചകവാതകത്തിന് 25 രൂപ കൂട്ടി
ഗാര്‍ഹികാവശ്യത്തിനുള്ള പാചകവാതകത്തിനു വില കൂട്ടി. കോവിഡ് പ്രതിസന്ധിക്കിടെ പാചകവാതകത്തിനു വില വര്‍ധിച്ചത് സാധാരണക്കാരന് തിരിച്ചടിയാകും. ഒറ്റയടിക്ക് 25 രൂപ 50 പൈസയാണ് ഇന്ന് കൂട്ടിയിരിക്കുന്നത്.
ഇതോടെ കൊച്ചിയിലെ പുതുക്കിയ വില 841.50 രൂപയായി. വാണിജ്യ ആവശ്യങ്ങള്‍ക്കുള്ള സിലിണ്ടറുകളുടെ വില 80 രൂപ കൂട്ടി 1550 രൂപയായി. പുതുക്കിയ വില നിലവില്‍ വന്നു.
എല്‍പിജി സിലിണ്ടറുകളുടെ വില ഇന്ന് മുതല്‍ എല്ലാ മാസവും ആദ്യ ദിവസം തീരുമാനിക്കുമെന്ന് നേരത്തെ തന്നെ പ്രഖ്യാപിച്ചിരുന്നു. പാചകവാതക സിലിണ്ടറിന്റെ സബ്‌സിഡി ലഭിക്കുന്നില്ലെന്ന വിമര്‍ശനം നിലനില്‍ക്കെയാണ് കൊറോണ പ്രതിസന്ധികാലത്തെ വില വര്‍ധനയും.
