മമത ബാനര്ജിയുടെ സഹോദരന് കോവിഡ് ബാധിച്ച് മരിച്ചു
കൊല്ക്കത്ത: പശ്ചിമ ബംഗാള് മുഖ്യമന്ത്രി മമത ബാനര്ജിയുടെ ഇളയ സഹോദരന് അഷിം ബാനര്ജി അന്തരിച്ചു. കോവിഡ് അനുബന്ധ പ്രശ്നങ്ങളെ തുടര്ന്ന് കൊല്ക്കത്തയിലെ ആശുപത്രിയില് ചികിത്സയില് തുടരുന്നതിനിടെയാണ് മരണം. 60 വയസ്സായിരുന്നു.
അഷിം ബാനര്ജി കോവിഡ് ബാധിതനായിരുന്നു. ചികിത്സയില് കഴിയുന്ന അദ്ദേഹത്തിന്റെ ആരോഗ്യനില ഇന്ന് രാവിലെയോടെ ഗുരുതരമാവുകയായിരുന്നുവെന്നു അദ്ദേഹത്തെ ചികിത്സിച്ച മെഡിക്കല് സൂപ്പര് സ്പെഷ്യാലിറ്റി ആശുപത്രി ചെയര്മാന് ഡോ. അലോക് റോയ് പറഞ്ഞു. അഷിം ബാനര്ജിയുടെ മൃതദേഹം കോവിഡ് പ്രോട്ടോക്കോള് പാലിച്ച് സംസ്കരിച്ചു.
