ചിത്രം സിനിമയിലെ ബാലതാരം, നടൻ ശരൺ അന്തരിച്ചു
ചിത്രം സിനിമയിലൂടെ ബാലതാരമായി എത്തിയ ശരൺ (49) അന്തരിച്ചു. കടുത്ത പനിയെ തുടര്ന്ന് രണ്ട് ദിവസമായി ചികിത്സയിലായിരുന്നു ശരണെന്നാണ് റിപ്പോർട്ടുകൾ.
ചിത്രത്തിൽ മോഹൻലാലിന്റെ കഥാപാത്രമായ വിഷ്ണുവിനൊപ്പം തട്ടിപ്പുകൾക്ക് കൂട്ടു നിൽക്കുന്ന പയ്യന്റെ വേഷത്തിലാണ് ശരൺ തിളങ്ങിയത്. ആ കഥാപാത്രം ഏറെ ശ്രദ്ധ നേടുകയും ചെയ്തു. ചിത്രം കൂടാതെ വേറെയും മൂന്ന് സിനിമകളിൽ കൂടി ശരൺ വേഷമിട്ടിട്ടുണ്ട്.
സിനിമ സീരിയല് മേഖലയില് ഡബ്ബിങ്ങ് ആര്ട്ടിസ്റ്റായിട്ടും പ്രവര്ത്തിച്ചിട്ടുണ്ട്. തിരുവനന്തപുരം സ്വദേശിയാണ്.
