ഹൃദയാഘാതം മൂലം മരിച്ച പ്രവാസി മലയാളിയുടെ മൃതദേഹം ഇന്ന് നാട്ടിലെത്തിക്കും
റിയാദ്: കഴിഞ്ഞയാഴ്ച റിയാദില് ഹൃദയാഘാതം മൂലം മരിച്ച കണ്ണൂര് സ്വദേശിയുടെ മൃതദേഹം ഇന്ന് നാട്ടില് കൊണ്ടുപോകും. കുറുവ കടലായി സ്വദേശിയും സുനില് കുഴിപള്ളി (50) ആണ് റിയാദ് ശുമൈസി ആശുപത്രിയില് മരിച്ചത്. ക്ഷീണം അനുഭവപ്പെട്ടതിനെ തുടര്ന്ന് ആശുപത്രിയില് കൊണ്ടുപോയെങ്കിലും അവിടെ എത്തുമ്പോഴേക്കും മരണം സംഭവിച്ചിരുന്നു.
റിയാദിലെ റൊസാന ഡ്രൈ നട്സ് എന്ന കമ്പനിയില് ജീവനക്കാരനായിരുന്നു. പിതാവ്: പരേതനായ പവിത്രന് കൂക്കിരി. അമ്മ: ദമയന്തി കുഴിപള്ളി. ഭാര്യ: രശ്മി, മക്കള്: ആര്ജിത്, അനാമിക. സഹോദരങ്ങള്: സുജിത്, സുമേഷ്, സീന. മൃതദേഹം നാട്ടിലെത്തിക്കാനുള്ള നിയമനടപടികള് അധികൃതരുടെ സഹായത്തോടെ പൂര്ത്തിയാക്കി. വെള്ളിയാഴ്ച രാത്രി റിയാദില് നിന്ന് കോഴിക്കോേട്ടക്കുള്ള എയര് ഇന്ത്യ എക്സ്പ്രസ് വിമാനത്തില് കൊണ്ടുപോകുന്ന മൃതദേഹം ശനിയാഴ്ച കാലത്ത് പയ്യാമ്പലം ശ്മശാനത്തില് സംസ്കരിക്കും.
