ഒരു ഇടവേളയ്ക്കു ശേഷം ട്രാന്‍സിലൂടെ സിനിമയിലേക്കു തിരിച്ചുവരികയാണ് നസ്രിയ. അന്‍വർ റഷീദ് സംവിധാനം ചെയ്യുന്ന ട്രാൻസിലൂടെയാണ് നസ്റിയയുടെ തിരിച്ചുവരവ്. ഫഹദ് മുഖ്യകഥാപാത്രത്തെ അവതരിപ്പിക്കുന്നു എന്നതാണ് ട്രാന്‍സിന്റെ മറ്റൊരു പ്രത്യേകത.
കഴിഞ്ഞ ദിവസം നസ്രിയയും ഫഹദും നസ്രിയയുടെ കൂട്ടുകാരിയ്ക്ക് ഒരു സര്‍പ്രൈസ് കൊടുത്തു. കൂട്ടുകാരിയുടെ വിവാഹത്തിന് ഫഹദിനൊപ്പം വേദിയിലെത്തി ഞെട്ടിച്ച നസ്രിയയുടെ വീഡിയോ ആണ് ഇപ്പോള്‍ സോഷ്യൽ മീഡിയ ഒന്നാകെ ശ്രദ്ധ നേടികൊണ്ടിരിക്കുന്നത്.
ചടങ്ങില്‍ പങ്കെടുത്ത വീഡിയോകള്‍ നസ്രിയ തന്നെ സോഷ്യല്‍മീഡിയയിലൂടെ പങ്കുവെച്ചിട്ടുണ്ട്. വധൂവരന്‍മാരെ ആശ്ലേഷിച്ചശേഷം ബന്ധുക്കളുമായി വിശേഷങ്ങള്‍ പങ്കിട്ടാണ് ഇരുവരും തിരിച്ചുപോയത്.
