രാജ്യത്ത് 24 മണിക്കൂറിനിടെ 54,044 പേര്ക്ക് കോവിഡ്; മരണം 717
ന്യൂഡല്ഹി: രാജ്യത്ത് 24 മണിക്കൂറിനിടെ കോവിഡ് സ്ഥിരീകരിച്ചത് 54,044 പേര്ക്ക്. 717 മരണവും കോവിഡ് മൂലമാണെന്ന് സ്ഥിരീകരിച്ചു. ഇതോടെ കോവിഡ് ബാധിച്ച് മരിച്ചവരുടെ എണ്ണം 1,15,914 ആയി. നിലവില് 7,40,090 പേരാണ് ചികിത്സയിലുള്ളത്. 61,775 പേര് കൂടി രോഗമുക്തരായതോടെ ആകെ കോവിഡ് മുക്തി നേടിയവര് 67,95,103 ആയി. അതേസമയം, ഇതുവരെ രാജ്യത്ത് 9 കോടിയിലധികം സാമ്പിളുകള് (9,72,00,379) പരിശോധിച്ചതായി ഇന്ത്യന് മെഡിക്കല് കൗണ്സില് ഓഫ് മെഡിക്കല് റിസര്ച്ച് (ഐ.സി.എം.ആര്) അറിയിച്ചു.
മഹാരാഷ്ട്ര, ആന്ധ്രാപ്രദേശ്, കര്ണാടക എന്നീ സംസ്ഥാനങ്ങളിലാണ് ഏറ്റവുമധികം രോഗികളുള്ളത്. തമിഴ്നാട്, ഉത്തര്പ്രദേശ്, പശ്്ചിമബംഗാള് എന്നിവടങ്ങളില് രോഗബാധിതരുടെ എണ്ണം വര്ധിക്കുന്നുണ്ട്. ലോകത്ത് യു എസ് കഴിഞ്ഞാല് ഏറ്റവും അധികം കോവിഡ് കേസുകള് സ്ഥിരീകരിച്ചത് ഇന്ത്യയിലാണ്. യുഎസ്സില് 8,520,307 പേര്ക്കാണ് ഇതുവരെ കോവിഡ് സ്ഥിരീകരിച്ചത്. ആകെയുള്ള മരണത്തില് മൂന്നാം സ്ഥാനത്താണ് ഇന്ത്യ. അമേരിക്കയും ബ്രസീലുമാണ് ഏറ്റവും അധികം മരണം റിപ്പോര്ട്ട് ചെയ്യപ്പെട്ട മറ്റ് രാജ്യങ്ങള്. ആഗോളതലത്തില് 4.06 കോടി ആളുകള്ക്കാണ് കോവിഡ് ബാധിച്ചത്. ലോകത്താകമാനം 11.20 ലക്ഷം പേരാണ് ഇതു വരെ കോവിഡ് മൂലം മരിച്ചത്.
