നിര്ഭയ കേസ്; മുകേഷ് സിങ്ങിന്റെ ദയാഹര്ജി തള്ളി
ന്യൂഡല്ഹി: നിര്ഭയ കേസിലെ പ്രതി മുകേഷ് സിങ് നല്കിയ ദയാഹര്ജി രാഷ്ട്രപതി തള്ളി. മുകേഷ് സിങ് നല്കിയ ദയാഹര്ജി തള്ളണമെന്ന് കേന്ദ്ര ആഭ്യന്തരമന്ത്രാലയം രാഷ്ട്രപതി ഭവനോട് ശുപാര്ശ ചെയ്തിരുന്നു. മുകേഷ് സിങ്ങിന്റെ തിരുത്തല് ഹര്ജി സുപ്രീംകോടതി തള്ളിയതിനു പിന്നാലെയാണ് ദയാഹര്ജി നൽകിയത്. പിന്നാലെയാണ് ദയാഹര്ജി തള്ളിക്കൊണ്ടുള്ള രാഷ്ട്രപതി ഭവന്റെ നടപടി.
കേസിലെ മറ്റ് പ്രതികള് ദയാഹര്ജി നല്കിയിട്ടില്ല. നിര്ഭയ കേസിലെ പ്രതികളെ 22ന് രാവിലെ ഏഴിന് ഡല്ഹി തിഹാര് ജയിലില് തൂക്കിലേറ്റണമെന്നാണ് കഴിഞ്ഞ ഏഴിന് ഡല്ഹി തിഹാര് ജയിലില് തൂക്കിലേറ്റണമെന്നാണ് കഴിഞ്ഞ ഏഴിന് പട്യാല കോടതി വിധിച്ചത്. എന്നാല് രാഷ്ട്രപതിക്ക് ദയാഹര്ജി നല്കാനാണ് മറ്റ് പ്രതികളുടെ തീരുമാനമെങ്കില് വധശിക്ഷ നടപ്പിലാക്കുന്നത് വൈകും. ജയില് ചട്ടപ്രകാരം ദയാഹര്ജി നല്കിയാഅത് തള്ളുന്നതു വരെ വധശിക്ഷ നടപ്പാക്കാനാകില്ല. ദയാഹര്ജി തള്ളിയതിന് ശേഷം പതിനാല് ദിവസം കഴിഞ്ഞേ ശിക്ഷ നടപ്പാക്കാനാകൂ.
വധശിക്ഷ നടപ്പാക്കുന്നത് നീട്ടിവയ്ക്കണമെന്നാവശ്യപ്പെട്ട് മുകേഷ് സിങ് നല്കിയ ഹര്ജി ഡല്ഹി പട്യാല ഹൗസ് കോടതി ഇന്ന് വീണ്ടും പരിഗണിക്കും. ഡൽഹി അഡിഷണൽ മജിസ്ട്രേറ്റ് കോടതി ഇന്ന് 3.30ന് വധശിക്ഷ സംബന്ധിച്ച് തീഹാർ ജയിൽ അധികൃതർ സമർപ്പിക്കുന്ന റിപ്പോർട്ട് പരിഗണിക്കും.
