നോളന്‍റെ ഒഡീസി നവംബറിൽ ഒടിടിയിലേക്ക്
ക്രിസ്റ്റഫർ നോളൻ ചിത്രം ദി ഒഡീസി നവംബറിൽ ഒടിടിയിലൂടെ സ്ട്രീം ചെയ്യും. ഹോമറുടെ ഒഡീസിയെ അടിസ്ഥാനമാക്കി നിർമിച്ച സിനിമയിൽ മാറ്റ് ഡാമൺ, ആൻ ഹേത്തവേ, ടോം ഹോളണ്ട് എന്നിവരാണ് പ്രധാന വേഷത്തിൽ എത്തിയിരിക്കുന്നത്. നവംബർ 17ന് ചിത്രം ഒടിടിയിൽ പ്രീമിയം ഷോ ആരംഭിക്കും.
തിയെറ്ററിൽ റിലീസ് ചെയ്ത് ഏകദേശം നാലു മാസത്തിനു ശേഷമായിരിക്കും ചിത്രം ഒടിടിയിലെത്തുന്നത്. പ്രേക്ഷകർക്ക് ഒടിടി വഴി സിനിമ പർച്ചേസ് ചെയ്തോ റെന്‍റിനോ കാണാം. ആപ്പിൾ ടിവി, ഫാൻഡാങ്കോ അറ്റ് ഹോം, ആമസോൺ പ്രൈം വിഡിയോ, യൂട്യൂബ് മൂവീസ് ആൻഡ് ടിവി എന്നിവ വഴിയായിരിക്കും സിനിമയുടെ പ്രീമിയം സ്ട്രീമിങ്.
സിനിമ പർച്ചേസ് ചെയ്യുന്നതിനുള്ള തുകയെക്കുറിച്ചുള്ള വിശദാംശങ്ങൾ ഇനിയും പുറത്തു വിട്ടിട്ടില്ല. ഇന്ത്യയിൽ മാത്രം 138,39 കോടി രൂപയാണ് ഒഡീസി ബോക്സ് ഓഫിസിൽ നിന്ന് നേടിയത്. ആഗോളതലത്തിൽ 12,601 കോടി രൂപയാണ് നേടിയത്.
