തിരുവനന്തപുരം; പ്രശസ്ത വയലിനിസ്റ്റ് പൂജപ്പുര ചാടിയറ ശരണാംബികയില്‍ പി. ചിദംബരനാഥ് (71) അന്തരിച്ചു. സംസ്‌കാര ചടങ്ങുകള്‍ ഇന്ന് രാവിലെ 11: 30 ന് ശാന്തികവാടത്തില്‍ നടന്നു. രേതയായ ടി.രത്‌നമ്മയാണ് ഭാര്യ.
ഒട്ടനവധി സിനിമാഗാനങ്ങളുടെ പിന്നണിയില്‍ പ്രവര്‍ത്തിച്ചിട്ടുള്ള അദ്ദേഹം എണ്‍പതുകളില്‍ കെ.ജെ. യേശുദാസ്, പി. ജയചന്ദ്രന്‍, കെ.എസ്. ചിത്ര എന്നിവരുടെ ഗാനമേളയില്‍ സ്ഥിരസാന്നിധ്യമായിരുന്നു. പാശ്ചാത്യ വയലിന്‍ സംഗീതത്തില്‍ നിപുണനായിരുന്ന ചിദംബരനാഥ് വലിയ ശിഷ്യസമ്പത്തിനുടമയായിരുന്നു.
