പ്രഭുദേവ വിവാഹിതനായി; വധു ഫിസിയോതെറാപിസ്റ്റ്
നടനും സംവിധായകനും നൃത്ത സംവിധായകനുമായ പ്രഭുദേവ വിവാഹിതനായി. ബിഹാർ സ്വദേശിയാണ് വധു. ഫിസിയോതെറാപ്പിസ്റ്റ് ആയി ജോലി ചെയ്യുന്നു. കഴിഞ്ഞ ഏതാനും ദിവസങ്ങളായി ഗോസിപ് കോളങ്ങളിലെ ചർച്ചാവിഷയം പ്രഭുദേവയായിരുന്നു. . പ്രഭുദേവ രണ്ടാമതും വിവാഹിതനാകാൻ പോവുകയാണെന്നും സഹോദരിയുടെ മകളുമായി താരം പ്രണയത്തിലാണെന്നുമൊക്കെയായിരുന്നു വാർത്ത. എന്നാൽ ഈ വാർത്തകൾ തെറ്റാണെന്നും പ്രഭുദേവയുടെ വിവാഹം കഴിഞ്ഞുവെന്നും വെളിപ്പെടുത്തി രംഗത്തെത്തിയിരിക്കുകയാണ് താരത്തോട് അടുത്ത വൃത്തങ്ങൾ.
സെപ്റ്റംബറിലായിരുന്നു ഇരുവരുംതമ്മിലുള്ള വിവാഹം നടന്നത്. അടുത്ത ബന്ധുക്കൾ മാത്രംമാണ് ചടങ്ങിൽ പങ്കെടുത്തത്. പ്രഭുദേവയുടെ മുംബൈയിലുള്ള വസതിയിൽ വച്ചായിരുന്നു വിവാഹമെന്നും ഇരുവരും ഇപ്പോൾ ചെന്നൈയിലുണ്ടെന്നും ദേ ശീയ മാധ്യമങ്ങള് റിപ്പോര്ട്ട് ചെയ്തു.
പുറം വേദനയുമായി ബന്ധപ്പെട്ടാണ് താരം ഫിസിയോതെറാപ്പിസ്റ്റിനെ കണ്ടുമുട്ടുന്നത്. സൗഹൃദം പിന്നീട് പ്രണയത്തിലെത്തുകയും ഇരുവരും സെപ്തംബറിൽ വിവാഹിതരാകുകയുമാ യിരുന്നു. റിപ്പോർട്ട് വ്യക്തമാക്കുന്നു. എന്നാൽ ഇതിനോട് പ്രഭുദേവയോ താരത്തിന്റെ മാനേജറോ പ്രതികരിച്ചിട്ടില്ല.
പ്രഭുദേവയുടെ വിവാഹമോചനവും പ്രണയവും പ്രണയത്തകർച്ചയുമെല്ലാം നേരത്തെ വാർത്തയായതാണ്. റംലത്തായിരുന്നു പ്രഭുദേവയുടെ ആദ്യ ഭാര്യ. ഈ ബന്ധത്തിൽ മൂന്ന് മക്കളുമുണ്ട്. 2011ൽ ഇരുവരും വേർപിരിഞ്ഞു. തെന്നിന്ത്യൻ സൂപ്പർതാരം നയൻതാരയുമായി പ്രണയത്തിലായതോടെയാണ് റംലത്തിൽ നിന്ന് പ്രഭുദേവ വിവാഹമോചനം നേടിയത്. എന്നാൽ അധികം വൈകാതെ നയൻതാരയും പ്രഭുദേവയും വേർപിരിയുകയും ചെയ്തു.
