സിനിമാ തിരക്കുകൾക്ക് അവധി നൽകി ഗോവയിൽ സുഹൃത്തുക്കള്‍ക്കൊപ്പം ജീവിതം ആഘോഷിക്കുകയാണ് നടി സമാന്ത. ശിൽപ റെഡ്ഡി, വസുകി എന്നീ സുഹൃത്തുക്കൾക്കൊപ്പമാണ് നടി ഗോവയിൽ എത്തിയത്. അവധി ആഘോഷിക്കുന്ന ചിത്രങ്ങൾ സമൂഹമാധ്യമങ്ങളിലൂടെ നടി പങ്കുവച്ചിട്ടുണ്ട്.
അല്ലു അർജുന്‍ നായകനായെത്തിയ ‘പുഷ്പ’യിലെ സമാന്തയുടെ ഐറ്റം ഡാൻസ് സിനിമാലോകത്ത് തരംഗമായിരുന്നു. നാഗചൈതന്യയുമായുള്ള വിവാഹമോചനശേഷം നടി പ്രത്യക്ഷപ്പെട്ട ചിത്രം കൂടിയായിരുന്നു ‘പുഷ്പ’.
വിഘ്നേശ് ശിവൻ സംവിധാനം ചെയ്യുന്ന കാത്തു വാക്കുള്ള രണ്ടു കാതൽ, ശാകുന്തളം, യശോദ എന്നിവയാണ് നടിയുടെ പുതിയ പ്രോജക്ടുകൾ.
