‘സൂഫിയും സുജാതയും’ സിനിമയുടെ സംവിധായകന് ഹൃദയാഘാതം
കോയമ്പത്തൂർ: സംവിധായകൻ നരണിപ്പുഴ ഷാനവാസിനെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. ജയസൂര്യ നായകനായെത്തിയ സൂഫിയും സുജാതയും എന്ന ചിത്രത്തിന്റെ സംവിധായകനും തിരക്കഥാകൃത്തുമാണ് ഷാനവാസ്.
അതീവ ഗുരുതരാവസ്ഥയിൽ കോയമ്പത്തൂര് കെജി ഹോസ്പിറ്റലിൽ ഐസിയുവിൽ ചികിത്സയിലാണ് അദ്ദേഹം. ഡോക്ടര്മാര് 72 മണിക്കൂര് നിരീക്ഷണം പറഞ്ഞിട്ടുണ്ട്. മലയാളത്തിലെ ആദ്യത്തെ നേരിട്ടുള്ള ഒടിടി റിലീസായ സൂഫിയും സുജാതയും വൻ വിജയമായിരുന്നു. അട്ടപ്പാടിയില് പുതിയ സിനിമയുടെ എഴുത്തിനിടെയാണ് ഹൃദയാഘാതം സംഭവിച്ചത്. ‘കരി’യാണ് ആദ്യ ചിത്രം. ജാതീയത ചര്ച്ചയായ കരി നിരൂപകർക്കിടയിലും ഏറെ ചർച്ചയായിരുന്നു.
