ചെന്നൈ തെരുവിലൂടെ ഓട്ടോയില് ചുറ്റിക്കറങ്ങി അജിത്ത്; വൈറൽ വീഡിയോ
സെലിബ്രെറ്റി ജാഡകളൊന്നും തന്നെയില്ലാത്ത തീർത്തും സാധാരണക്കാരന്റെ പെരുമാറ്റ രീതികൊണ്ട് ആരാധകഹൃദയത്തിൽ ഇടംനേടിയ നടനാണ് അജിത്ത്. അതുകൊണ്ടുതന്നെ അദ്ദേഹത്തിന്റെ പല സാധാരണ പ്രവർത്തികളും സോഷ്യൽ മീഡിയയിൽ തരംഗമാകാറുണ്ട്.
ഇപ്പോൾ ചെന്നൈ തെരുവുകളിലൂടെ ഒരു ഓട്ടോറിക്ഷയിൽ യാത്ര ചെയ്യുന്ന അജിത്തിന്റെ വീഡിയോ ആണ് വൈറലായിക്കൊണ്ടിരിക്കുന്നത്.
മാസ്ക് ധരിച്ച് ഓട്ടോയുടെ പിന്നിലിരുന്ന് പോകുന്ന താരത്തെ വീഡിയോയിൽ കാണാം. മുമ്പ് വാരണാസിയിലെത്തി ഒരു തട്ടുകടയിൽ നിന്ന് ഭക്ഷണം കഴിക്കുന്ന അദ്ദേഹത്തിന്റെ ചിത്രങ്ങളും വൈറലായിരുന്നു.
