വന്ദേഭാരത് ട്രയല്റണ്: തിരുവനന്തപുരം - തൃശ്ശൂര് 4 മണിക്കൂര് 20 മിനിറ്റില് ട്രെയിനെത്തി
എറണാകുളം: കേരളത്തിന് അനുവദിച്ച വന്ദേഭാരത് എക്സ്പ്രസിന്റെ ട്രയല് റണ് തുടരുന്നു. തിരുവനന്തപുരത്തുനിന്ന് കണ്ണൂര് വരെയും തിരിച്ചുമാണ് ട്രയല് റണ്. തിതിരുവനന്തപുരത്തുനിന്ന് കണ്ണൂര് വരെയും തിരിച്ചുമാണ് ട്രയല് റണ്. തിരുവനന്തപുരത്തുനിന്ന് കണ്ണൂരിലേക്കുള്ള പരീക്ഷണ ഓട്ടം തിങ്കളാഴ്ച രാവിലെ 5.10 ന് തുടങ്ങി. കൊച്ചുവേളിയില്നിന്ന് പുലര്ച്ചെ വണ്ടി തിരുവനന്തപുരത്ത് എത്തിച്ചു. 5.10 തിരുവനന്തപുരം റെയില്വെ സ്റ്റേഷനില്നിന്ന് പുറപ്പെട്ടു.
തിരുവനന്തപുരം ഡിവിഷനിലെ ഉന്നത ഉദ്യോഗസ്ഥരും വിവിധ എന്ജിനിയറിങ് വിഭാഗവും വണ്ടിയിലുണ്ട്. ഷൊര്ണൂരില് സ്റ്റോപ്പില്ലാത്തതിനാല് പാലക്കാട് ഡിവിഷന് ഉന്നത ഉദ്യോഗസ്ഥര് തൃശ്ശൂരില്നിന്ന് കയറും. 12.30-ന് കണ്ണൂരിലെത്തും. 2.30-നുള്ളില് തിരുവനന്തപുരത്തേക്ക് മടങ്ങുമെന്നാണ് റെയില്വെ അധികൃതര് അറിയിച്ചിട്ടുള്ളത്. തിരുവനന്തപുരത്തുനിന്ന് രാവിലെ 5.10-ന് പുറപ്പെട്ട ട്രെയിന് രാവിലെ ആറിന് കൊല്ലം റെയില്വേ സ്റ്റേഷനിലെത്തി. 50 മിനിട്ടാണ് തിരുവനന്തപുരം - കൊല്ലം യാത്രയ്ക്ക് എടുത്തത്. 7.25-ന് കോട്ടയം റെയില്വെ സ്റ്റേഷനിലെ ഒന്നാം നമ്പര് പ്ലാറ്റ്ഫോമിലെത്തി.
50 മിനിറ്റില് കൊല്ലത്തെത്തിയ ട്രെയിന് 7.28ന് കോട്ടയത്തും 8.28-ന് എറണാകുളം നോര്ത്ത് സ്റ്റേഷനിലും എത്തി. തൃശൂരിൽ 9.37നും കോഴിക്കോട് 11.17നും എത്തി. രാത്രിയോടെ തിരുവനന്തപുരത്ത് തിരിച്ചെത്തും വിധമാണ് പരീക്ഷണ ഒാട്ടം. തിരുവനന്തപുരം ഡിവിഷനിലെ വിവിധ വിഭാഗങ്ങളിലെ മുതിര്ന്ന ഉദ്യോഗസ്ഥരും ട്രെയിനിലുണ്ട്.
12.30ന് ട്രെയിൻ കണ്ണൂരിലെത്തും. 2.30നുള്ളിൽ തിരുവനന്തപുരത്തേക്ക് മടങ്ങും. കൊച്ചുവേളി യാർഡിൽനിന്ന് പുലർച്ചെ തിരുവനന്തപുരം റെയിൽവേ സ്റ്റേഷനിലേക്ക് ട്രെയിൻ എത്തിച്ചിരുന്നു. ഷൊർണൂരിൽ സ്റ്റോപ് ഇല്ലാത്തതിനാൽ പാലക്കാട് ഡിവിഷൻ ഉന്നത ഉദ്യോഗസ്ഥർ തൃശൂരിൽനിന്നു കയറിയെന്നാണ് വിവരം. കോട്ടയം വഴിയാണ് വന്ദേഭാരത് എക്സ്പ്രസിന്റെ ട്രയൽ റൺ.
ട്രെയിനിന്റെ വേഗം, പാളങ്ങളുടെ ക്ഷമത, സുരക്ഷ തുടങ്ങിയ കാര്യങ്ങള് വിലയിരുത്തും. പരീക്ഷണ ഒാട്ടത്തിനു ശേഷമായിരിക്കും ട്രെയിനിന്റെ സമയക്രമം പ്രസിദ്ധീകരിക്കുക. 25നാണ് പ്രധാനമന്ത്രി നരേന്ദ്ര മോദി വന്ദേഭാരത് എക്സ്പ്രസ് ഫ്ലാഗ് ഒാഫ് ചെയ്യുന്നത്.
