കരിപ്പൂര് വിമാനദുരന്തത്തില് കൊല്ലപ്പെട്ട സഹ പൈലറ്റിന് കുഞ്ഞ് പിറന്നു
ന്യൂഡൽഹി: കരിപ്പൂർ വിമാനാപകടത്തിൽ മരിച്ച സഹപൈലറ്റ് അഖിലേഷ് ശർമ്മയ്ക്ക് ഒരു ആൺകുഞ്ഞ് പിറന്നു. നോയിഡയിലെ നയാതി ഹെല്ത്ത്കെയര് ആശുപത്രിയില് ശനിയാഴ്ചയാണ് അഖിലേഷിന്റെ ഭാര്യ മേഘ കുഞ്ഞിനെ പ്രസവിച്ചത്.
അമ്മയും കുഞ്ഞും സുഖമായി ഇരിക്കുന്നുവെന്ന് ആശുപത്രി വൃത്തങ്ങൾ അറിയിച്ചു. നേരിട്ട കടുത്ത ദുഃഖത്തിൽ നിന്ന് കരകയറാനുളള പ്രതീക്ഷയുടെ തിരിനാളമാണ് കുഞ്ഞിന്റെ ജനനമെന്നാണ് അഖിലേഷിന്റെ പിതാവ് തുളസി റാം ശർമ്മ പറഞ്ഞത്.
അഖിലേഷിന്റെ ഭാര്യ പൂര്ണ ഗര്ഭിണിയായിരിക്കെയായിരുന്നു കരിപ്പൂരിലെ വിമാനദുരന്തം. ഓഗസ്റ്റ് 7നുണ്ടായ വിമാനാപകടത്തില് 21 പേരായിരുന്നു കൊല്ലപ്പെട്ടത്. കുഞ്ഞിനോടൊപ്പം സമയം ചെലവിടാന് ലീവ് കരുതി വച്ചിരിക്കുകയായിരുന്നു അഖിലേഷ്. ഉത്തർപ്രദേശിലെ മഥുരയിലുള്ള ഗോവിന്ദ് നഗറിലാണ് അഖിലേഷിന്റെ വീട്.
