നീ ഇപ്പോഴും എന്റെ ചോട്ടു: സഹോദരന് വിവാഹാശംസകൾ നേർന്ന് നവ്യ; ചിത്രങ്ങൾ

നടി നവ്യ നായരുടെ സഹോദരൻ രാഹുൽ വിവാഹിതനായി. കൊച്ചിയിലെ സ്വകാര്യ ഹോട്ടലിൽ വച്ചായിരുന്നു വിവാഹം. സ്വാതിയാണ് വധു. കോവിഡ് മാനദണ്ഡങ്ങൾ പാലിച്ച് നടത്തിയ വിവാഹത്തിൽ അടുത്ത ബന്ധുക്കൾ മാത്രമാണ് പങ്കെടുത്തത്.

സഹോദരന് എല്ലാ ആശംസകളും നേരുന്നുവെന്നും സന്തുഷ്ടവും സമാധാനപരവുമായ ജീവിതം സ്വാതിക്കും കണ്ണനും ഉണ്ടാകട്ടെയെന്ന് ആശംസിച്ചുകൊണ്ട് ചടങ്ങുകളുടെ ചിത്രങ്ങൾ നവ്യ സോഷ്യൽ മീഡിയ വഴി പങ്കുവച്ചിട്ടുണ്ട്.

https://www.instagram.com/p/CGh5Ik0AhLG/?utm_source=ig_web_copy_link

‘ഞങ്ങൾ വൈകിയ രാത്രികളിൽ നിരവധി ചർച്ചകൾ നടത്തിയിട്ടുണ്ട് .. ഞാൻ ഇപ്പോഴും നിന്നെ ശകാരിക്കുന്നു, അടിക്കുന്നു, കളിയാക്കുന്നു. നീ ചെയ്യുന്ന എല്ലാ കാര്യങ്ങളിലും സന്തോഷിക്ക്, തമാശകൾ ചെയ്യ്. നീ ഇത്രയും വലുതായി വളർന്നിട്ടുണ്ടെന്ന് എനിക്കറിയില്ലായിരുന്നു .. നീ ഇപ്പോഴും എന്റെ ചോട്ടു ആണ്.

‘സ്വാതി, കണ്ണാ, നിങ്ങളെ രണ്ടുപേരെയും സ്നേഹിക്കുന്നു .. നിങ്ങൾ രണ്ടുപേരും സന്തുഷ്ടവും സമാധാനപരവുമായ ജീവിതം നയിക്കട്ടെ .. ജീവിതം എന്നത് ജീവിക്കുന്നതിലാണ്, അതിന്റെ എല്ലാ ദിവസവും, ഓരോ നിമിഷവും .. എല്ലാത്തിനുമൊടുവിൽ, നിങ്ങൾ എത്ര നന്നായി ജീവിച്ചു എന്നതാണ് പ്രധാനം .. പണം അല്ല, നല്ല നിമിഷങ്ങൾ സമ്പാദിക്കൂ.’– സഹോദരന് വിവാഹാശംസകൾ നേർന്ന് നവ്യ കുറിച്ചു.