നയന്താരയുടെ അടുത്ത സൂപ്പര്ഹിറ്റ് ചിത്രത്തിന്റെ ടിക്കറ്റുകള് നിങ്ങള്ക്ക് അയച്ചു തരാം. പോപ്കോണും കൊറിച്ച് അത് കണ്ടിരുന്നോളൂ...
തെന്നിന്ത്യൻ സൂപ്പർ ഹിറ്റ് താരം നയൻ താരയെ പൊതുവേദിയിൽ അധിക്ഷേപിച്ച നടൻ രാധാ രവിക്ക് കിടിലൻ മറുപടി നൽകി നടി സമാന്ത. കൊലയുതിര് കാലം എന്ന പുതിയ തമിഴ് ചിത്രത്തിന്റെ പ്രചരണ പരിപാടിയില് താരം സംബന്ധിക്കാതിരുന്ന നയന്താരയെ പരിഹസിച്ച നടൻ രാധാ രവിയ്ക്കെതിരെയാണ് സാമന്ത ട്വീറ്റ് ചെയ്തത്.
'ഇക്കാലത്തും പ്രസക്തനാണെന്നു തെളിയിക്കാനുള്ള നിങ്ങളുടെ പരിശ്രമങ്ങള് കാണുമ്പോള് സങ്കടം തോന്നുന്നു'. നിങ്ങളുടെ ആത്മാവിനും മനസ്സാക്ഷിയില് കുറച്ചെങ്കിലും നല്ലതായി അവശേഷിക്കുന്നുണ്ടെങ്കില് അതിനും ശാന്തി നേരുന്നു. നയന്താരയുടെ അടുത്ത സൂപ്പര്ഹിറ്റ് ചിത്രത്തിന്റെ ടിക്കറ്റുകള് നിങ്ങള്ക്ക് അയച്ചു തരാം. പോപ്കോണും കൊറിച്ച് അത് കണ്ടിരുന്നോളൂ..' സാമന്ത ട്വിറ്ററിലൂടെ പ്രതികരിച്ചു.
നയന്താരയെ രജനികാന്ത്, ശിവാജി ഗണേശന്, എം.ജി.ആര് എന്നിവരുമായി താരതമ്യം ചെയ്യരുത്. അവര് മഹാത്മാക്കളാണ്. 'അവരുടെ വ്യക്തിജീവിതത്തില് ഇത്രമാത്രം സംഭവഉണ്ടായിട്ടും നയന്താര സിനിമയില് ഇപ്പോഴും നില്ക്കുന്നു. അതിന് കാരണം മറ്റൊന്നുമല്ല തമിഴ്നാട്ടുകാര് എല്ലാം പെട്ടന്ന് മറക്കും. നയന്താര പ്രേതമായും സീതയായും അഭിനയിക്കുകയാണ്, മുന്പ് കെആര് വിജയയെ പോലുള്ളവരായിരുന്നു ഇത്തരം വേഷങ്ങള് ചെയ്തിരുന്നത്. അവരുടെ മുഖത്തു നോക്കുമ്പോള് പ്രാര്ത്ഥിയ്ക്കാന് തോന്നുമായിരുന്നു എന്നുമായിരുന്നു നയന്താരക്കെതിരായ പരാമര്ശം. അദ്ദേഹത്തിന്റെ പരാമർശത്തിന് മറുപടി നൽകി നയൻ താരയും രംഗത്തെത്തിയിരുന്നു.
സ്വന്തം സഹപ്രവര്ത്തകയുടെ കാര്യത്തില് ഇത്ര വേവലാതിപ്പെടുന്ന നിങ്ങള് പൊള്ളാച്ചി വിഷയത്തില് എന്തു കൊണ്ട് പ്രതികരിച്ചില്ലെന്ന് സാമന്തയുടെ ട്വീറ്റിന് ചുവടെ ആലുക്കൽ കുറിച്ചിട്ടുണ്ട്.
