നടി യമുന വിവാഹിതയായി; ചിത്രങ്ങൾ
പ്രശസ്ത സീരിയൽ താരം യമുന വിവാഹിതയായി. അമേരിക്കയിലെ സൈക്കോ തെറാപ്പിസ്റ്റായ ദേവനാണ് വരൻ. കൊല്ലൂര് മൂകാംബിക ക്ഷേത്രത്തില് വച്ചായിരുന്നും വിവാഹം. ക്ഷേത്രത്തില് വച്ച് നടന്ന ചടങ്ങുകളിൽ അടുത്ത ബന്ധുക്കൾ മാത്രമാണ് പങ്കെടുത്തത്.
നടിയുടെ രണ്ടാം വിവാഹമാണിത്. സംവിധായകൻ എസ്.പി മഹേഷ് ആയിരുന്നു യമുനയുടെ ആദ്യ ഭർത്താവ്. പിന്നീട് ഇവർ വേർപിരിയുകയായിരുന്നു. ഈ ബന്ധത്തിൽ രണ്ടു പെൺമക്കളുണ്ട്. അന്പതിലധികം സീരിയലുകളും നാല്പ്പത്തിയഞ്ച് സിനിമകളിലും യമുന അഭിനയിച്ചിട്ടുണ്ട്. മമ്മൂട്ടി നായകനായ ‘സ്റ്റാലിൻ ശിവദാസ്’ ആണു യമുന അഭിനയിച്ച ആദ്യ സിനിമ.
