ചരിത്രത്തിലാദ്യമായി ഗള്ഫ് റൂട്ടില് 50 കിലോ അധിക ലഗേജ് ഓഫറുമായി എയര് ഇന്ത്യ
ഓഫ് സീസണില് യാത്രക്കാരെ ലക്ഷ്യമിട്ട് ഗള്ഫ് റൂട്ടില് 50 കിലോ അധിക ലഗേജ് ഓഫറുമായി എയര് ഇന്ത്യ. ചരിത്രത്തിലാദ്യമായാണ് കേരളത്തിലേക്ക് ഉള്പ്പെടെ ഇന്ത്യയുടെ വിവിധ ഭാഗങ്ങളിലേക്ക് 50 കിലോഗ്രാം ബാഗേജ് അലവന്സ് എയര് ഇന്ത്യ നല്കുന്നത്.
ഓഫ് സീസണില് യാത്രക്കാരെ ലക്ഷ്യമിട്ട് ഗള്ഫ് റൂട്ടില് 50 കിലോ അധിക ലഗേജ് ഓഫറുമായി എയര് ഇന്ത്യ. ചരിത്രത്തിലാദ്യമായാണ് കേരളത്തിലേക്ക് ഉള്പ്പെടെ ഇന്ത്യയുടെ വിവിധ ഭാഗങ്ങളിലേക്ക് 50 കിലോഗ്രാം ബാഗേജ് അലവന്സ് എയര് ഇന്ത്യ നല്കുന്നത്.ഒക്ടോബർ 31വരെയാണ് ഈ സൗകര്യം ഉണ്ടാകുക. ഇക്കോണമി ക്ലാസുകാർക്കാണ് ഈ ആനുകൂല്യം.
ഒരാള്ക്ക് ചെക്ക്ഡ് ബാഗേജില് 50 കിലോഗ്രാം കൊണ്ടുപോകാമെങ്കിലും ഒരു ബാഗില് 32 കിലോയില് കൂടുതല് പാടില്ല. കേരളത്തിലേയ്ക്കും ഇന്ത്യയിലെ വിവിധ കേന്ദ്രങ്ങളിലേയ്ക്കും തിരിച്ചും യാത്ര ചെയ്യുന്ന ഇക്കണോമി ക്ലാസുകാര്ക്കാണ് 50 കിലോ ലഗേജ് ഓഫര് നല്കുന്നത്. ദുബായില് നിന്ന് കൊച്ചി, കോഴിക്കോട്, മുംബൈ, ചെന്നൈ, ഹൈദരാബാദ്, വിശാഖപട്ടണം എന്നിവിടങ്ങളിലേയ്ക്കും ഷാര്ജയില് നിന്ന് കോഴിക്കോട്, തിരുവനന്തപുരം എന്നിവിടങ്ങളിലേയ്ക്കുമാണ് ഈ ഓഫര് ലഭിക്കുക. എട്ട് കിലോ ഗ്രാം ഹാന്ഡ് ലഗേജും ലാപ്ടോപ്പും കൊണ്ടുപോകാം. എന്നാല്, ഡ്യൂട്ടി ഫ്രീയില് നിന്ന് വാങ്ങുന്ന സാധനങ്ങള് എട്ടു കിലോയില് ഉള്പ്പെടും. ഒരു ബാഗിന് 32 കിലോയില് കൂടുതല് ഭാരം പാടില്ല. എയര് ഇന്ത്യയില് നിലവില് 40 കിലോ ഗ്രാമായിരുന്നു ലഗേജ് അനുമതി. ഇതില്ക്കൂടുതല് ലഗേജ് ഒരിക്കലും അനുവദിച്ചിരുന്നില്ല.
