രൂപത്തിലും ഭാവത്തിലുമെല്ലാം പരീക്ഷണങ്ങള്‍ നടത്തുന്നതില്‍ അമീര്‍ ഖാന്‍ കേമന്‍ ആണെന്നതില്‍ സംശയമില്ല.ത്രീ ഇടിയറ്റ്സ്,പി കെ ,എല്ലാം അമീറിന്റെ സൂപ്പര്‍ മേക്ക് ഓവറിറിന്റെ ചെറിയ ഉദാഹരണങ്ങള്‍ മാത്രം .ഇപ്പോള്‍ ഇതാ പുതിയൊരു ലുക്കില്‍ വന്നിരിക്കുകയാണ് അമീര്‍ .
അമീറിന്റെ ബല്‍ബോ സ്‌റ്റൈല്‍ താടിയുമായുള്ള ആമിറിന്റെ ചിത്രമാണ് സോഷ്യല്‍ മീഡിയയില്‍ ഇപ്പോള്‍ വൈറല്‍ ആയിരിക്കുന്നത് .സീക്രട്ട് സൂപ്പര്‍സ്റ്റാര്‍ എന്ന ചിത്രത്തിലെ ആമിറിന്റെ ലുക്ക് ആണ് ഇതെന്നാണ് സൂചന.ആമിര്‍ ഖാന്റെ മാനേജരായിരുന്ന അദ്വൈത് ചന്ദന്‍ കുട്ടികളെ കേന്ദ്രകഥാപാത്രങ്ങളാക്കി ഒരുക്കുന്ന ചിത്രമാണ് സീക്രട്ട് സൂപ്പര്‍സ്റ്റാര്‍. വലിയ ഗായികയാകാന്‍ ആഗ്രഹിക്കുന്ന പെണ്‍കുട്ടിയുടെ കഥയാണ് സീക്രട്ട് സൂപ്പര്‍സ്റ്റാര്‍. ഈ പെണ്‍കുട്ടിക്ക് പ്രചോദനമേകുന്ന ഗായകന്റെ റോളിലാണ് ആമിര്‍ ഖാന്‍ അഭിനയിക്കുന്നത്.
അമിതാബ് ബച്ചനൊപ്പം ആമിര്‍ ആദ്യമായി ഒന്നിക്കുന്ന തഗ്‌സ് ഓഫ് ഹിന്ദുസ്ഥാന്‍ ആണ് ആമിറിന്റെ അടുത്ത ചിത്രം. അടുത്ത വര്‍ഷം ദീപാവലി റിലീസാണ് ചിത്രം. ധൂം ത്രീ ഒരുക്കിയ വിജയ് കൃഷ്ണ ആചാര്യ സംവിധാനം ചെയ്യുന്ന തഗ്‌സ് ഓഫ് ഹിന്ദുസ്ഥാന്‍ യാഷ് രാജ് ഫിലിംസാണ് നിര്‍മ്മിക്കുന്നത്.
