കോടീശ്വര ഭാര്യയെ തട്ടിക്കൊണ്ടുപോയി: വൻതുക മോചനദ്രവ്യം ആവശ്യപ്പെട്ട് അജ്ഞാതർ
ഒസ്ലൊ: നോർവീജിയൻ സ്വദേശിയായ ടോം ഹേഗന്റെ ഭാര്യ അന്നെ എലിസബത്ത് ഫാൽകെവിക് ഹേഗനെ (68) അജ്ഞാതർ തട്ടിക്കൊണ്ടുപോയി. ശതകോടീശ്വരനും ഊർജ, റിയൽ എസ്റ്റേറ്റ് വ്യവസായിയുമാണ് ടോം ഹേഗൻ. കഴിഞ്ഞ ഒക്ടോബർ 31നാണ് അന്നെ എലിസബത്തിനെ നോർവെയുടെ തലസ്ഥാനമായ ഓസ്ലോയ്ക്ക് സമീപമുള്ള വസതിയിൽനിന്നും കാണാതാകുന്നത്. ഇതുവരെ രഹസ്യമായി പലവിധത്തിലും അന്വേഷിച്ചെങ്കിലും പോലീസിനോ മറ്റുള്ളവർക്കോ കണ്ടെത്താൻ സാധിച്ചില്ല. എന്നാൽ, ഈയിടെ വൻതുക മോചനദ്രവ്യം ആവശ്യപ്പെട്ട് അജ്ഞാതർ രംഗത്തെത്തി. ഒരു കോടി ഡോളറാണ് അവരുടെ ആവശ്യം. അതും ക്രിപ്റ്റോ കറൻസിയിൽ തന്നെ വേണമെന്നാണ് അവർ ആവശ്യപ്പെട്ടിരിക്കുന്നത്.
നോർവെയിലെ കോടീശ്വരൻമാരിൽ പ്രമുഖനായ ടോം ഹേഗന്റെ ആസ്തി ഏകദേശം 174 ദശലക്ഷം യൂറോയാണ്. അടുത്തിടെ പുറത്തിറങ്ങിയ കണക്കുകൾ പ്രകാരം രാജ്യത്തെ കോടിശ്വരൻമാരിൽ 172-ാം സ്ഥാനത്താണ് ടോം ഹേഗൻ.
