തന്നെ ഒരു വൃത്തികെട്ട വാക്കു വിളിച്ച സംവിധയകനെ അപ്പോൾ തന്നെ കരണം നോക്കി തല്ലി; വെളിപ്പെടുത്തലുകളുമായി ഭാഗ്യലക്ഷ്മി
എണ്പതുകളിലെ ഡബ്ബിങ് കാലത്തുണ്ടായ ഒരു മോശം അനുഭവത്തെക്കുറിച്ചുള്ള വെളിപ്പെടുത്തലുമായി
ഡബ്ബിങ് കലാകാരിഭാഗ്യലക്ഷ്മി ഇപ്പോള് വാര്ത്തകളില് ഇടം നേടുകയാണ്. ഒരു പ്രമുഖ ചാനലിനു നല്കിയ അഭിമുഖത്തിനിടയിലാണ് ചെന്നൈയിലെ എ വി എം സ്റ്റുഡിയോയില് വച്ചുണ്ടായ ഡബ്ബിങ്ങിനിടയില് ഒരു സംവിധായകന് മോശമായി പെരുമാറിയതിനു പിന്നാലെ അയാളുടെ കരണം പുകച്ച കഥ ഭാഗ്യലക്ഷ്മി വെളിപ്പെടുത്തിയത്. ഒരു പ്രമുഖ സിനിമയിലെ റേപ്പ് സീനിൽ അഭിനയിക്കുന്ന പെൺകുട്ടിക്കുവേണ്ടി ശബ്ദം നൽകവെയാണ് മോശം അനുഭവമുണ്ടായത്.
ഡബ്ബിങ്ങിനിടയില് റേപ്പിങ് ശരിയാകുന്നില്ല എന്നു സംവിധായകന് വിളിച്ചു പറയുന്നുണ്ട്. റേപ്പിങ് ഞാനല്ലല്ലോ ചെയ്യുന്നത്, വില്ലനല്ലേ. അതിനാല് അയാള്ക്കല്ലേ അതു ശരിയാക്കാനാകൂവെന്ന് ഞാന് പറയുന്നുണ്ട്. റേപ്പ് ചെയ്യപ്പെട്ട പെണ്കുട്ടിക്ക് ശബ്ദം കൊടുക്കാനല്ലേ ഞാന് വന്നിരിക്കുന്നത്. അലറി വിളിക്കുകയെന്ന ജോലിയല്ലേ എനിക്കു ചെയ്യാനാകൂ.എന്നെ വിടൂ എന്നെ വിടൂവെന്ന് തന്നെ പറഞ്ഞു കൊണ്ടിരിക്കുകയായിരുന്നു ഞാന്.എന്നാൽ എത്ര ടേക്ക് എടുത്തിട്ടും സംവിധായകൻ തൃപ്തനായില്ല. ഒരു റേപ്പ് സീന് പോലും ഒന്നു മര്യാദക്ക് ഡബ് ചെയ്യാനറിയില്ലെങ്കില് പിന്നെന്തു ഡബ്ബിങ് ആര്ട്ടിസ്റ്റാണു നിങ്ങളെന്നു ചോദിച്ച് സംവിധായകന് ഒരു വൃത്തികെട്ട വാക്കുവിളിച്ചു.ഒടുവില് സഹികെട്ട് ക്ഷമിക്കണം, ഞാനീ ചിത്രത്തിനു വേണ്ടി ഡബ് ചെയ്യുന്നില്ലെന്നു പറഞ്ഞു പുറത്തേക്കിറങ്ങി.എന്നാൽ അയാൾ പിറകെ വന്ന് എടി,പോടീ എന്നൊക്കെ വിളിച്ചു.വിളിക്കരുതെന്ന് പലവട്ടം പറഞ്ഞിട്ടും വിളിച്ചു. വിളിച്ചാല് വിവരമറിയുമെന്ന് ഞാന് പറഞ്ഞു. വിളിച്ചാല് എന്തു ചെയ്യുമെന്നായി അയാള്. ഒന്നു കൂടി വിളിച്ചു നോക്ക് എന്നു ഞാനും പറഞ്ഞു. അയാള് വീണ്ടും വിളിച്ചു. അപ്പോള് തന്നെ കൊടുത്തു, ഒറ്റയടി മുഖത്ത്.
ചെന്നൈ എ വി എം സ്റ്റുഡിയോയില് വച്ചാണ് ഈ മോശം അനുഭവം എനിക്കുണ്ടായത്. സ്റ്റുഡിയോ ഉടമ ശരവണന് സാര് ഓടി വന്ന് കാര്യം തിരക്കിയപ്പോള് ഞാന് സംഭവം വിവരിച്ചു.ഇവിടെ വെച്ച് സ്ത്രീകളോട് അപമര്യാദയായി പെരുമാറാന് പാടില്ലെന്നു അയാള്ക്ക് താക്കീതു നല്കി സ്വന്തം കാറില് എന്നെ അവിടുന്നു പറഞ്ഞയച്ചു. ഞാന് ആ സിനിമ വേണ്ടെന്നും വച്ചു.
