ഖത്തറില്‍ നിന്ന് സര്‍വീസ് ആരംഭിച്ച് ചൈന സതേണ്‍ എയര്‍ലൈന്‍സ്
ദോഹ: ദോഹയില്‍ നിന്ന് സര്‍വീസ് ആരംഭിച്ച് ചൈന സതേണ്‍ എയര്‍ലൈന്‍സ്. ദോഹ-ഗ്വാങ്ചു നഗരങ്ങളിലേക്ക് ആഴ്ചയില്‍ നാല് സര്‍വീസുകള്‍ എന്ന നിലയിലാണ് തിങ്കളാഴ്ച മുചല്‍ ചൈ സതേണ്‍ എയര്‍ലൈന്‍സ് സര്‍വീസുകള്‍ തുടങ്ങിയത്. കഴിഞ്ഞ ഫെബ്രുവരിയിലായിരുന്നു ചൈന സതേണ്‍ എയര്‍ലൈന്‍സും ഖത്തര്‍ എയര്‍വേസും കോഡ് ഷെയര്‍ കരാര്‍ പ്രഖ്യാപിച്ചത്.
ചൈനയിലെ ബെയ്ജിങ്, ഷാങ്ഹായ്, ഗ്വാങ്ചു, ഹാങ്ചു ഉൾപ്പെടെ ഏഴ് നഗരങ്ങളിലേക്കുള്ള ഖത്തർ എയർവേസ് സർവിസിനു പുറമെയാണ് സതേൺ എയർലൈൻസുമായുള്ള പങ്കാളിത്തം. ഏറെ സഞ്ചാരികൾ ആവശ്യപ്പെടുന്ന പ്രധാന ടൂറിസം കേന്ദ്രങ്ങളിലൊന്ന് എന്ന നിലയിലാണ് പ്രധാന ചൈനീസ് എയർലൈൻസുമായുള്ള പങ്കാളിത്തമെന്ന് ഖത്തർ എയർവേസ് സീനിയർ ഫിനാൻസ് വൈസ് പ്രസിഡന്റ് സുജാത സുരി പറഞ്ഞു.
