മകന്റെ ചവിട്ടേറ്റ് ചികിത്സയിലായിരുന്ന പിതാവ് മരിച്ചു
കറുകച്ചാല്: മകന്റെ ചവിട്ടേറ്റ് മകന്റെ ചവിട്ടേറ്റ് വാരിയെല്ലുകള് ഒടിഞ്ഞ കോട്ടയം സ്വദേശി മരിച്ചു. ശാന്തിപുരം റൈട്ടന്കുന്ന് ചക്കുങ്കല് ജോണ് തോമസ് ( കൊച്ചുട്ടി -65 ) ആണ് മരിച്ചത്. ഞായറാഴ്ച രാവിലെ 11 നായിരുന്നു മകന്റെ ക്രൂരമായ മര്ദനത്തിന് ഇരയായത്. കട്ടിലില് നിന്ന് വലിച്ച് നിലത്തിട്ട് ചവിട്ടുകയായിരുന്നു.
ചെത്തിപ്പുഴയിലെ സ്വകാര്യ ആശുപത്രിയില് ചികിത്സയിലിരിക്കെ വ്യാഴാഴ്ച പുലര്ച്ചെയാണ് മരണം. സംഭവവുമായി ബന്ധപ്പെട്ട് മകന് ജോസി ജോണിനെ ( 37 ) കറുകച്ചാല് പോലീസ് അറസ്റ്റ് ചെയ്തു. ഇയാളെ പിന്നീട് റിമാന്ഡ് ചെയ്തു. റബര് ടാപ്പിങ് തൊഴിലാളിയായിരുന്നു ജോണ് . ഇരുവൃക്കകളും തകരാറിലായതോടെ മൂന്ന് വര്ഷമായി ഡയാലിസിസ് ചെയ്താണ് കഴിഞ്ഞിരുന്നത്.
മദ്യപിച്ചെത്തിയ ജോസി അച്ഛനെയും തടയാനെത്തിയ അമ്മ അന്നമ്മയെയും ക്രൂരമായി മര്ദിച്ചെന്നാണ് കേസ്. തോമസിന്റെ ആറ് വാരിയെല്ലുകള് ഒടിഞ്ഞിരുന്നു. അയല്വാസികളും ബന്ധുക്കളും ചേര്ന്നാണ് സ്വകാര്യ ആശുപത്രിയില് പ്രവേശിപ്പിച്ചത്.
