സ്വര്‍ണക്കടത്ത് അറ്റാഷെയുടെ അറിവോടെ: ഒരു കിലോ സ്വർണം കടത്താൻ 1000 ഡോളർ പ്രതിഫലം; സ്വപ്നയുടെ മൊഴി
തിരുവനന്തപുരം:നയതന്ത്ര സ്വർണക്കടത്തുകേസിൽ യു എ ഇ കോൺസുലേറ്റ് ഉദ്യോഗസ്ഥരെ പ്രതിചേർത്ത് സ്വാപ്നസുരേഷിന്റെ മൊഴി. നയതന്ത്ര ബാഗിൽ സ്വർണം കടത്തിയത് അറ്റാഷെയുടെ അറിവോടെയാണെന്നും ഒരു കിലോ സ്വർണം കടത്താൻ അറ്റാഷെയ്ക്ക് 1,000 ഡോളർ വീതം പ്രതിഫലം നൽകിയെന്നും സ്വപ്ന സുരേഷ് കസ്റ്റംസിന് മൊഴി നൽകി.
നേരത്തെ ഹൈക്കോടതിയിൽ നൽകിയ ജാമ്യ ഹർജിയിലെ അറ്റാഷെയുടെ നിർദേശപ്രകാരമാണ് നയതന്ത്ര ബാഗ് വിട്ടുകിട്ടാൻ താൻ പ്രവർത്തിച്ചതെന്ന് സ്വപ്ന പറഞ്ഞിരുന്നു.കൂടാതെ സ്വര്ണക്കടത്തിൽ അറ്റാഷെക്ക് കൃത്യമായ വിഹിതം നൽകിയതായി പ്രതികളായസരിത്തും സന്ദീപും റമീസും കസ്റ്റംസിനോട് സമ്മതിച്ചിരുന്നു. അതേസമയം മുഖ്യമന്ത്രിയുടെ മുൻ ഐ ടി സെക്രട്ടറി എം ശിവശങ്കറിനോട് സൗഹൃദം മാത്രമേ ഉള്ളു എന്നും സ്വപ്ന പ്രാഥമിക മൊഴിയിൽ പറഞ്ഞു എന്നാൽ നയതന്ത്ര സ്വര്ണക്കടത്തിൽ ശിവശങ്കറിന് പങ്കുണ്ടോ എന്ന ചോദ്യത്തിന് സ്വപ്ന വ്യകത്മായ ഉത്തരം നൽകിയിട്ടില്ല.
സ്വർണക്കടത്തിന് അറ്റാഷെയ്ക്ക് കൃത്യമായി വിഹിതം നൽകിയിരുന്നുവെന്ന് പ്രതികളായ സരിത്തും സന്ദീപും റമീസും കസ്റ്റംസിനോട് സമ്മതിച്ചിട്ടുണ്ട്. കേസിൽ എൻഐഎ സംഘം തിങ്കളാഴ്ച ശിവശങ്കറിനെ വീണ്ടും ചോദ്യം ചെയ്യുന്നുണ്ട്. സെക്രട്ടേറിയേറ്റിലെ സിസി ടിവി ദൃശ്യങ്ങൾ പരിശോധിച്ച് പ്രതികൾക്ക് ശിവശങ്കറുമായുള്ള ബന്ധത്തിന്റെ കൂടുതൽ തെളിവുകൾ ശേഖരിക്കാനുള്ള എൻഐഎ അന്വേഷണവും പുരോഗമിക്കുകയാണ്.
