സിംഗപ്പൂര്‍: “കേരള ആര്‍ട്സ് ലവേര്‍സ് അസോസിയേഷന്‍” (കല) യുടെ ആഭിമുഖ്യത്തില്‍ ഈ വര്‍ഷത്തെ ഓണാഘോഷം “ഓണം ഫിയസ്റ്റ” ഈ വരുന്ന ആഗസ്റ്റ്‌ പത്തൊന്‍പതിന് വിവിധ പരിപാടികളോടെ ആഘോഷിക്കുന്നു. പായ ലെബാര്‍- അല്ജുനിദ് ഇന്ത്യന്‍ ആക്റ്റിവിറ്റി എക്സിക്യുട്ടിവ് കൗണ്‍സിലിന്റെ സഹകരണത്തോടെ പായ ലെബാര്‍-കോവന്‍ കമ്മ്യുണിറ്റി സെന്ററില്‍ രാവിലെ മുതല്‍ ആഘോഷപരിപാടികള്‍ ആരംഭിക്കും.
വിവിധയിനം കലാപരിപാടികള്‍, വടം വലി, ചെണ്ടമേളം എന്നിവക്ക് പുറമേ വിഭവസമൃദ്ധമായ ഓണസദ്യ, ഭാഗ്യ നറുക്കെടുപ്പ് എന്നിവകൂടി സംഘാടകര്‍ ഇക്കുറി ഒരുക്കിയിട്ടുണ്ട്. കൂടുതല്‍ വിവരങ്ങള്‍ക്ക് സംഘാടകരുമായി ബന്ധപ്പെടേണ്ടതാണ്.
