ലോകത്തെ ഏറ്റവും കനം കുറഞ്ഞ ലാപ്ടോപ് ഇന്ത്യയിലെത്തി

ലോകത്തെ ഏറ്റവും കനം കുറഞ്ഞ ലാപ്ടോപ്പായ ‘സ്വിഫ്റ്റ് 7’ എയ്‌സർ ഇന്ത്യയിൽ. ഒരു സെന്റിമീറ്ററിന് താഴെയാണ് ലാപ്ടോപ്പിന്റെ അക്കെയുള്ള കനം . നവംബർ 18 മുതൽ ഇന്ത്യൻ വിപണിയിൽ ലാപ്ടോപ്പ് ലഭ്യമായി .

‘സ്വിഫ്റ്റ് 7’ ലാപ്ടോപിന്റെ കനം 9.98 mm ആണ് . ഒരു സെന്റിമീറ്ററിന് താഴെ വരുന്ന ലോകത്തെ ആദ്യത്തെ ലാപ്‌ടോപ്പാണ് ഇത് എന്നാണ് കമ്പനിയുടെ അവകാശം. 99,999 രൂപയാണ് ‘സ്വിഫ്റ്റ് 7’ ലാപ്ടോപ്പിന്റെ വിപണി വില.1080×1920 പിക്സൽ റെസൊല്യൂഷനോട് കൂടിയ ലാപ്ടോപ്പിൽ 13.3 ഇഞ്ച് ഫുൾ എച്ച്ഡി ഡിസ്പ്ലെയാണ് ഉൾപ്പെടുത്തിയിരിക്കുന്നത്. ഗൊറില്ല ഗ്ലാസ് 5 – ന്റെ സംരക്ഷണവും ഡിസ്പ്ലേക്ക് നൽകിയിട്ടുണ്ട്. 1.1 കിലോ ഗ്രാമാണ് ലാപ്പിന്റെ ആകെ ഭാരം.തെരഞ്ഞെടുത്ത മൾട്ടി ബ്രാൻഡ് ഔട്ട് ലെറ്റുകൾ, സ്റ്റോറുകൾ, ഫ്ലിപ്കാർട് എന്നിവിടങ്ങളിൽ നിന്ന് ലാപ്ടോപ്പ് ഉപഭോക്താക്കൾക്ക് സ്വന്തമാക്കാവുന്നതാണ്.

ബേസ് മോഡൽ ‘സ്വിഫ്റ്റ് 7’ ൽ 4ജിബി റാമാണ് ഉപയോഗിച്ചിരിക്കുന്നത്. 8 ജിബി വരെയുള്ള മോഡലുകളും ലഭ്യമാണ് . ഇൻ്റൽ ഏഴാം തലമുറയിൽപ്പെട്ട കോർ i5 പ്രോസസ്സറാണ് ‘സ്വിഫ്റ്റ് 7’ നിൽ ഉൾപ്പെടുത്തിയിരിക്കുന്നത് .ഒൻപത് മണിക്കൂർ വരെ നീളുന്ന ബാറ്ററി ലൈഫാണ് ‘സ്വിഫ്റ്റ് 7′ ന്റെ മറ്റൊരു പ്രത്യേകത . 256 ജിബി എസ്എസ്ഡി യാണ് സ്വിഫ്റ്റ് 7’ ന് ഉപയോഗിച്ചിരിക്കുന്നത് .