മരടിലെ ഫ്ളാറ്റുകള് പൊളിക്കുന്നതിനുള്ള നടപടികള് നഗരസഭ ആരംഭിച്ചു
കൊച്ചി: സുപ്രീംകോടതി പൊളിച്ച് മാറ്റാന് ആവശ്യപ്പെട്ട മരടിലെ ഫ്ളാറ്റുകള് പൊളിക്കുന്നതിനുള്ള നടപടികള് നഗരസഭ ആരംഭിച്ചു.ഈ മാസം 20-നം ഫ്ളാറ്റുകള് പൊളിച്ച് നീക്കി റിപ്പോര്ട്ട് സമര്പ്പിക്കണമെന്നാണ് സുപ്രീംകോടതിയുടെ ഉത്തരവ്. ഫ്ളാറ്റുകള് പൊളിക്കുന്നതിന് പരിചയ സമ്പന്നരായ കമ്പനികളില് നിന്ന് നഗരസഭ താത്പര്യ പത്രം ക്ഷണിച്ചു. ജില്ലാ കളക്ടറുമായും നഗരസഭാ അധികൃതരുമായിചീഫ് സെക്രട്ടറി ചര്ച്ച നടത്തുകയും ചെയ്തിരുന്നു. ഇതിന് പിന്നാലെയാണ് നഗരസഭ ഫ്ളാറ്റ് പൊളിക്കാന് താത്പര്യപത്രം ക്ഷണിച്ചിരിക്കുന്നത്.
കോടതി വിധി നടപ്പാക്കുന്നതിന്റെ മുന്നോടിയായി തിങ്കളാഴ്ച ചീഫ് സെക്രട്ടറി ഫ്ളാറ്റുകള് സന്ദര്ശിക്കുകയുണ്ടായി.16-ാം തിയതിക്ക് മുമ്പായി താത്പര്യപത്രം ലഭിക്കണം. 15 നിലക്ക് മുകളിലുള്ള നാല് ഫ്ളാറ്റുകള് പൊളിക്കുന്നതിന് താത്പര്യം ക്ഷണിച്ച് കൊണ്ട് മരട് നഗരസഭ പത്രങ്ങളില് പരസ്യം നല്കിയിട്ടുണ്ട്. നിയന്ത്രിത സ്ഫോടനത്തിലൂടെ പൊളിക്കുന്ന കമ്പനികള്ക്കാണ് മുന്ഗണന.
നിയന്ത്രിത സ്ഫോടനത്തിലൂടെ പൊളിക്കാനാണു തീരുമാനം. ഇതിനായി വിദഗ്ധരുടെ പാനല് തയാറാക്കും. ഫ്ളാറ്റുകളിലെതാമസക്കാരോട് ഒഴിഞ്ഞുപോകാന് ആവശ്യപ്പെട്ട് നഗരസഭ ചൊവ്വാഴ്ച നോട്ടിസ് നല്കും. തീരസംരക്ഷണ നിയമത്തിന്റെ ലംഘനം ചൂണ്ടിക്കാട്ടി സുപ്രീംകോടതി നിലപാട് കടുപ്പിച്ചതോടെയാണു കര്ശന നടപടികളിലേക്കു കടക്കുന്നത്.
